අම්බලන්තොට පොලිස් වසමේ මාමඩල ප්රදේශයේ නිවසක් තුළ පුද්ගලයෙකුට වෙඩි තබා මන්නා පිහියකින් කොටා ඊයේ (11) රාත්රියේ ඝාතනයක් සිදුකර තිබෙනවා.
මෙලෙස ඝාතනයට ලක්ව ඇත්තේ වයස අවුරුදු 34ක මාමඩල ප්රදේශයේ පදිංචිව සිටි අයෙක්.
ඝාතනයට ලක්වූ පුද්ගලාගේ මාමණ්ඩියට ද මන්නා පිහියකින් සිදු කළ පහරදීමෙන් තුවාල ලබා ප්රථිකාර සඳහා හම්බන්තොට රෝහල වෙත ඇතුලත් කර තිබෙනවා.
මියගිය පුද්ගලයා ඝාතනය කිරීමට පුද්ගලයින් තිදෙනෙකු ඔහුගේ නිවසට පැමිණ ඇති අතර, ඝාතනය සිදුකිරීමෙන් අනතුරුව ඝාතනයට ලක්වූ පුද්ගලයාගේ හිස කඳින් වෙන්කර මාමඩල මංසන්දියේ ඇති පිළිරුවක ගසා ගොස් ඇති බව වාර්තා වනවා.
ඝාතනයට ලක්වූ පුද්ගලයාගේ පාර්ශවයේ සිදු වූ ත්රිත්ව මනුෂ්ය ඝාතනයකට පළි ගැනීමක් ලෙස මෙම ඝාතනය සිදුකර ඇති බවට දැනට සිදු කරන ලද විමර්ශනයේදී අනාවරණය වී තිබෙනවා.
මෙම අපරාධය සිදුකළ සැකකරුවන් තිදෙනෙකු හඳුනාගෙන ඇති අතර, ඔවුන් අත්අඩංගුවට ගැනීම සඳහා අම්බලන්තොට පොලිසිය විමර්ශන සිදුකරනු ලබනවා.
