මනෝජ් සුරංග ලියනගේ නොහොත් බටුවත්තේ චාමර, අසර්බයිජානයේ දී අත්අඩංගුවට ගෙන ඉන්දියාවේ, නවදිල්ලි නුවර ඔස්සේ ඊයේ (10) දින රාත්රී කටුනායක ගුවන් තොටුපොළ වෙත රැගෙන විත් තිබෙනවා.
48 හැවිරිදි මොහු රාගම, බටුවත්ත ප්රදේශයේ පදිංචිකරුවෙක්.
මොහු දිගු කළක් ඩුබායි හි සැගවී සිටි මීට වසරකට පමණ පෙර අසර්බයිජානය වෙත පළා ගොස් සිටියදී මෙසේ අත් අඩංගුවට පත් වී තිබෙනවා.
එතැන් සිට ඉන්දියාවේ නවදිල්ලි නුවර වෙත රැගෙන ආ මොහු ශ්රී ලන්කන් ගුවන් සේවයේ යූ.එල්.- 196 දරන ගුවන් යානයෙන් ඊයේ (10) දින රාත්රී 10.10 ට කටුනායක ගුවන් තොටුපොළ වෙත රැගෙන විත් තිබුණා.
බටුවත්තේ චාමර, තුසිත හල්ලොලුව වෙත ප්රහාරයක් එල්ල කිරීම, ගනේමුල්ල සංජීව ඝාතනය සදහා අවිය ලබා දීම ඇතුළු මෙරට තුළ සංවිධානාත්මක අපරාධ ගනනාවකට මෙන්ම මෙරට මත්ද්රව්ය බෙදාහැරීමේ ජාවාරමේ ප්රධාන සැකකරුවෙක් ද වනවා.
මෙසේ කටුනායක ගුවන් තොටුපොළ වෙත රැගෙන ආ බටුවත්තේ චාමර දැඩි ආරක්ෂක විධිවිධාන මධ්යයේ කොළඹ අපරාධ කොට්ඨාශය වෙත රැගෙන ගියා.
