කළුතර උතුර පොලිස් වසමේ බෝසිරිපුර ප්‍රදේශයේ පහරදීමක් හේතුවෙන් ඊයේ (04) දහවල් කාන්තාවක් මියගොස් ඇති බව පොලිසිය පවසනවා.
මෙලෙස ඝාතනයට ලක්ව ඇත්තේ කළුතර උතුර ප්‍රදේශයේ පදිංචිව සිටි වයස අවුරුදු 35ක කාන්තාවක් බවයි වාර්තා වුණේ.
මෙම කාන්තාව සහ ඇයගේ පියා අතර කලක සිට පැවති ඉඩම් ආරවුලක් දුරදිග යාම හේතුවෙන් පියා විසින් යකඩ පොල්ලකින් පහරදී තිබෙනවා.
එහිදී බරපතල තුවාල ලැබූ එම කාන්තාව නාගොඩ රෝහලට ඇතුළත් කිරීමෙන් පසු මියගොස් ඇති බවයි පොලිසිය සඳහන් කළේ.
ඝාතනය සිදුකළ වයස අවුරුදු 63ක සැකකාර පියා අත්අඩංගුවට ගෙන තිබෙනවා.
මෘත ශරීරය පශ්චාත් මරණ පරීක්ෂණය සඳහා කළුතර උතුර රෝහලේ මෘත ශරීරාගාරයේ තැන්පත් ඇති අතර කළුතර උතුර පොලීසිය වැඩිදුර විමර්ශන සිදුකරනු ලබනවා.
