Update – මැගසින් බන්ධනාගාරයේ රැඳවියෙකු මියයාමේ සිද්ධියට තවත් බන්ධනාගාර නියාමකවරයෙක් අත්අඩංගුවට

කොළඹ මැගසින් බන්ධනාගාරයේ රැඳවියෙකු මියයාමේ සිද්ධිය සම්බන්ධයෙන් තවත් බන්ධනාගාර නියාමකවරයෙකු අත්අඩංගුව ගත් බව පොලිසිය පවසනවා.

අද (28) උදෑසන එම බන්ධනාගාර නියාමකවරයා බොරැල්ල පොලිස් ස්ථානය වෙත භාරවීමෙන් පසුව අත්අඩංගුවට ගෙන ඇති බවයි වාර්තා වුණේ.

මෙම සිද්ධිය සම්බන්ධයෙන් මැගසින් බන්ධනාගාරයේ බන්ධනාගාර ජේලර්වරයෙකු සහ නියාමකවරයෙකු ඊයේ (27) දිනයේ අත්අඩංගුවට ගනු ලැබුවා.

ඊයේ (27) උදෑසන බන්ධනාගාරය තුළ දී රැඳවියන් දෙදෙනෙකු හා බන්ධනාගාර නියාමකවරයෙකු අතර ආරවුලක් සිදුව ඇති අතර, එහිදී තුවාල ලැබූඔවුන් තිදෙනා ප්‍රතිකාර සඳහා බන්ධනාගාර රෝහලට ඇතුළත් කර තිබෙනවා.

එහිදී එක් රැඳවියෙකු මිය ගොස් ඇති බවයි තොරතුරු වාර්තා වුණේ.

මෙම සිදුවීම සම්බන්ධයෙන් බොරැල්ල පොලිසිය, කොළඹ දිසා අපරාධ කොට්ඨාසය හා කොළඹ දකුණ කොට්ඨාස අපරාධ විමර්ශන අංශය විසින් විමර්ශන කටයුතු සිදු කරනු ලබනවා.