පිටකොටුව, හෙට්ටිවීදිය, මුහුදු මාවතේ පිහිටි නිමිඇඳුම් ප්රදර්ශනාගාරයකින් මුදල් සහ නිමිඇඳුම් සොරාගත් එම ප්රදර්ශනාගාරයේ කළමනාකරු ඇතුළු සිව්දෙනෙක් අත්අඩංගුවට ගෙන තිබෙනවා.
අත්අඩංගුවටට ගත් සෙසු සැකකරුවන් තිදෙනා වෙළෙඳ සහායකයන් බව පොලිසිය සඳහන් කළා.
මොවුන් විසින් වෙළඳසැලෙන් රුපියල් ලක්ෂ 62ක් පමණ වටිනා මුදල් සහ නිමිඇඳුම් සොරාගෙන ඇති බවයි අනාවරණය වී ඇත්තේ.
මේ මස පළවෙනිදා සහ 12 දා අතර කාලයේ දී තම ප්රදර්ශනාගාරයෙන් රුපියල් ලක්ෂ 32ක මුදලක් සහ අලෙවි කිරීමට සූදානම් කර තිබූ රුපියල් ලක්ෂ 30ක පමණ නිමි ඇඳුම් තොගයක් සොරකම් කර ඇති බවට එහි හිමිකරු විසින් පොලිසියට පැමිණිල්ලක් කර තිබෙනවා.
ඒ, අනුව සිදුකළ විමර්ශනවල දී සැකකාර කළමනාකරු ඇතුළු සිව්දෙනා අත්අඩංගුවට ගැනීමට හැකිව තිබෙනවා.
අත්අඩංගුවට ගැනුණු සැකකරුවන්ගෙන් ප්රශ්න කිරීමේ දී සොරාගත් රුපියල් ලක්ෂ 32ක මුදල සැකකාර කළමනාකරුගේ මට්ටක්කුලිය ප්රදේශයේ පිහිටි නිවසේ සඟවා තිබිය දී සොයාගත් බවයි පොලිසිය පැවසුවේ.
මෙම සොරකමට අදාළ තවත් සේවකයන් පිරිසක් අත්අඩංගුවට ගැනීමට නියමිත අතර, සැකකරුවන අධිකරණය හමුවට ඉදිරිපත් කිරීමට නියමිතයි.
