ශ්රී ලංකාවේ ඉන්ධන අර්බුධයක් ඇති වුවහොත් එය කළමනාකරණය කර ගැනීම සඳහා චීනය සෑම විටම සහාය ලබාදෙන බව ශ්රී ලංකාවේ චීන තානාපති කී සෙන්හොංග් පවසනවා.
අස්ගිරි පාර්ශවයේ ජ්යෙෂ්ඨ කාරක සංඝ සභික, දඔුලු රජමහා විහාරාධිපති ආචාර්ය ගොඩගම මංගල නාහිමියන්ගේ අනුශාසනා පරිදි පලිපාන ශ්රී චන්දානන්ද විදුහලේ විදුහල්පති ගොඩගම ධම්මකිත්ති නාහිමියන්ගේ මෙහෙයවීමෙන් දුගී පවුල් 350ක් සඳහා වියළි ආහාර ද්රව්ය බෙදාදීමේ උත්සවයකට එක්වෙමින් තානාපතිවරයා මේ බව සඳහන් කළා.
”චීනය සෑම වෙලාවකම ශ්රී ලංකාව උදව් කරනවා. දිට්වා සුළි කුණාටුව පැමිණි අවස්ථාවේත් චීනය හැකි සෑම සහයෝගයක්ම ශ්රී ලංකාවට දුන්නා. මැදපෙරදිග යුදමය තත්ත්වවත් සමඟ ශ්රී ලංකාවේ ඉන්ධන ගැටලුවක් මතු වුනොත් චීනය ශ්රී ලංකාවේ සහයෝගයට ඉන්නවා. ඉදිරි යල කන්නයේ වී වගාව සඳහා පොහොර ලබාදීමටත් අපි කටයුතු කරනවා.”
මේ අතර මැදිපෙරදිග යුද්ධයේ සටන් විරාමයක් ක්රියාත්මක වන අතර, එය අඛණ්ඩව පවතිනවා නම් ඊට තමන් කැමැති බවත් තානාපති චී චෑංග් හොංග් වැඩිදුරටත් පවසා සිටියා.
