කළුතර දකුණ පොලිස් වසමේ, කළුතර ඩිපෝව ආසන්නයේදී ඊයේ (08) දින දහවල් කාලයේ කළුතර කොට්ඨාස අපරාධ විමර්ශන කාර්යංශයේ නිලධාරීන් කණ්ඩායමක් විසින් ලද තොරතුරක් මත වැටලීමක් සිදුකර රුපියල් ලක්ෂ 35 ක මුදලකට විකිණීමට සූදානම් කර තිබූ සංරක්ෂිත මුහුදු බෙල්ලෙකුගේ කවචයක් (වාලම්පුරියක්) සමඟ සැකකරුවෙකු අත්අඩංගුවට ගෙන තිබෙනවා.
සැකකරු අත්අඩංගුවට ගැනීමෙන් අනතුරුව කළුතර දකුණ පොලිස් ස්ථානය වෙත ඉදිරිපත්කර තිබෙනවා.
සැකකරු වයස 51 ක් වන කුරුණෑගල ප්‍රදේශයේ පදිංචිකරුවෙක්.
කළුතර දකුණ පොලිසිය වැඩිදුර විමර්ශන සිදුකරනු ලබනවා.
