ශ්රී ලංකාවේ සංවිධානාත්මක අපරාධ වැඩි වීමේ ප්රවණතාව සැලකිල්ලට ගනිමින්, සංවිධානාත්මක අපරාධ වැළැක්වීම සඳහා සහ පුරවැසියන් එවැනි ක්රියාකාරකම් වලින් ආරක්ෂා කිරීම සඳහා නීති සම්පාදනය කිරීමේ අවශ්යතාව පැන නැඟි ඇති බව කැබිනට් මාධ්ය ප්රකාශක අමාත්ය නලින්ද ජයතිස්ස සඳහන් කළා.
ඒ සඳහා දැනට ක්රියාත්මක නිශ්චිත නීතිවල අඩුපාඩු පවතින බව සහ පවතින සාමාන්ය නීති ප්රමාණවත් නොවන බව රජය හඳුනාගෙන තිබෙනවා.
එබැවින්, ශ්රී ලංකාවේ සංවිධානාත්මක අපරාධ වැළැක්වීම පිළිබඳ නව පනත් කෙටුම්පතක් සකස් කිරීම පිණිස පදනම් කර ගැනීමට හැකි වන පරිදි මූලික කෙටුම්පතක් සකස් කිරීම සඳහා අධිකරණ සහ ජාතික ඒකාබද්ධතා අමාත්යතුමා විසින් විශේෂඥ කමිටුවක් පත් කර තිබෙනවා.
එම කමිටුව විසින් සකස් කරනු ලැබ ඇති මූලික කෙටුම්පතමත පදනම්ව, ශ්රී ලංකාවේ සංවිධානාත්මක අපරාධ වැළැක්වීම පිළිබඳ නව පනත කෙටුම්පත් කිරීම පිණිස නීති කෙටුම්පත් සම්පාදක වෙත උපදෙස් දීම සඳහා අධිකරණ සහ ජාතික ඒකාබද්ධතා අමාත්යතුමා; සහ මහජන ආරක්ෂක සහ පාර්ලිමේන්තු කටයුතු අමාත්යතුමා ඉදිරිපත් කරනු ලැබූ ඒකාබද්ධ යෝජනාව අමාත්ය මණ්ඩලය විසින් අනුමත කර තිබෙනවා.
