1971 මාර්තු 25 වන දින සිදු වූ ජන සංහාරය “පෙර සැලසුම් කරන ලද” සංහාරයක් ලෙස බංග්ලාදේශ අගමැති තාරික් රහ්මාන් හැඳින්වූ අතර විමුක්ති යුද්ධයේ ආත්මය තුළ “සමානාත්මතාවය, මානව ගරුත්වය සහ සමාජ යුක්තිය” සහිත රාජ්යයක් සහ සමාජයක් ගොඩනගන ලෙස ඉල්ලා සිටියා.
බංග්ලාදේශ ඉතිහාසයේ “වඩාත්ම නින්දිත හා ම්ලේච්ඡ දිනයක්” ලෙස එය හැඳින්වූ රහ්මාන්, X හි සටහනක් තබමින්, වර්තමාන සහ අනාගත පරම්පරාවන්ට නිදහසේ වටිනාකම සහ වැදගත්කම ගෙන ඒම සඳහා මාර්තු 25 වන දින ජන සංහාරය පිළිබඳව දැන ගැනීම අත්යවශ්ය බව ද පැවසුවා.
පැරණි නැගෙනහිර පාකිස්ථානයේ ස්වයං නිර්ණය සඳහා බෙංගාලි ජනතාවගේ ඉල්ලීම් මැඩපැවැත්වීම සඳහා පකිස්ථාන හමුදාව 1971 මාර්තු 25 වන දින ‘ඔපරේෂන් සර්ච්ලයිට්’ දියත් කළ අතර ඩකාහි පමණක් 20,000 කට අධික පිරිසක් මිය ගියා.
මාස නවයක් පුරා පැවති විමුක්ති යුද්ධයේදී මිලියන 3 ක ජනතාවක් මිය ගිය බවට නිල වාර්තා තිබෙනවා .
පකිස්ථාන ආක්රමණික හමුදා ‘ඔපරේෂන් සර්ච්ලයිට්’ නාමයෙන් බංග්ලාදේශයේ නිරායුධ ජනතාවට එරෙහිව ඉතිහාසයේ වඩාත්ම දරුණු ජන සංහාරයක් සිදු කළ බව රහ්මාන් පැවසුවා.
