අපරාධ පරීක්ෂණ දෙපාර්තමේන්තුවේ අධ්යක්ෂ ශානි අබේසේකර හැර වෙනත් ඕනෑම පුද්ගලයෙකුට හිටපු රාජ්ය බුද්ධි අංශ ප්රධානි සුරේෂ් සලේ, පිළිබඳ විමර්ශනය භාරදෙන ලෙස අද (26) දින අධිකරණයට කරුණු දැක්වූ සුරේෂ් සලේගේ නීතිඥයින් කරුණු දක්වමින් ඉල්ලා සිටියා.
එහිදී කොටුව මහේස්ත්රාත් ඉසුරු නෙත්තිකුමාර එම කරුණු සලකා බැලීමෙන් පසුව එලෙස නියෝගයක් ලබාදීම ප්රතික්ෂේප කළා.
ඔහු පෙන්වාදුන්නේ අපරාධ පරීක්ෂණ දෙපාර්තමේන්තුවේ අධ්යක්ෂකවරයා මෙම පාස්කු ඉරිදා ත්රස්ත ප්රහාරය පිළිබඳව විමර්ශන ආරම්භක මොහොතේ සිට එම විමර්ශන මෙහෙයවු නිසා ඔහුව විමර්ෂනයෙන් ඉවත් කළහොත් එය යළි හැරවිය නොහැකි කරුණක් බවයි.
එමෙන්ම පාස්කු ඉරිදා ත්රස්ත ප්රහාරයට පෙර ඊට අදාළව කුමන්ත්රණකාරී ලෙස කටයුතු කළ බවට හිටපු රාජ්ය බුද්ධි අංශ ප්රධානි සුරේෂ් සලේ පිළිබඳව චැනල් 4 නාලිකාවට සම්මුඛ සාකච්ඡාවක් ලබාදුන් අසාද් මවුලානාගෙන් ප්රකාශයක් ලබා ගැනීමට උත්සාහ කරන ලෙස කොටුව මහේස්ත්රාත් ඉසුරු නෙත්තිකුමාර අද (26) අපරාධ පරීක්ෂණ දෙපාර්තමේන්තුවට නියෝග කළා.
අදාළ නඩුව අද (26)කැඳවූ අවස්ථාවේදී මෙම නියෝගයද නිකුත් කළා.
