මත්ද්රව්ය ජාවාරම්කරුවන් විසින් ධීවර කර්මාන්තයේ නිරත පුද්ගලයන්ව මුලා කරමින් ඔවුන්ව මත්ද්රව්ය ජාවාරම වෙත සම්බන්ධ කර ගන්නා බව නාවික හමුදා මාධ්ය ප්රකාශක කමාන්ඩර් බුද්ධික සම්පත් පවසනවා.
ඔහු මේ සම්බන්ධව කියා සිටියේ, රටම එකට ජාතික මෙහෙයුම යටතේ මෙතෙක් අත්කර ගත් ප්රගතිය සම්බන්ධයෙන් දැනුවත් කිරීම සඳහා කැඳවා තිබූ මාධ්ය හමුවකට එක්වෙමින්.
එහිදී වැඩිදුරටත් අදහස් දැක්වූ කමාන්ඩර් බුද්ධික සම්පත් කියා සිටියේ, විවිධ වරප්රසාද සහ මුදල් ලබා දෙන බවට පවසමින් ධීවරයින්ව මත්ද්රව්ය ජාවාරම වෙත සම්බන්ධ කර ගත්තද, මත්ද්රව්ය ජාවාරම සම්බන්ධයෙන් අත්අඩංගුවට ගන්නා ධීවරයින්ගෙන් කරන ලද ප්රශ්න කිරීම් හමුවේ අනාවරණය වනුයේ එලෙස දෙන බවට පැවසූ වරප්රසාද හෝ මුදල් ලබා දීමට කටයුතු කර නොමැති බවට අනාවරණය වූ බවයි.
එවැනි මත්ද්රව්ය ජාවාරම්කරුවන්ට හසු නොවී, ධිවර කර්මාන්තය පවත්වාගෙන යන ලෙස නාවික හමුදා මාධ්ය ප්රකාශක කමාන්ඩර් බුද්ධික සම්පත්, ධිවර ප්රජාවට දැනුම් දෙනවා.
