ඉන්ධන අර්බුය හේතුවෙන් තැපැල් දෙපාර්තමෙන්තුවේ මෙහෙයුම් කටයුතුවලට බරපතළ ගැටළුකාරී තත්ත්වයක් නිර්මාණය වී ඇති බව ඒකාබද්ධ තැපැල් වෘත්තීය සමිති පෙරමුණේ සම කැඳවුම්කරු චින්තක බණ්ඩාර පවසනවා.
ඒ, අනුව තැපැල් දෙපාර්තමේන්තුවේ ලිපි ප්රවාහනය දිනක් හැර දිනක් සිදුකිරීමට තීරණය කර ඇති බවයි ඔහු අද (22) මාධ්ය වෙත අදහස් දක්වමින් සඳහන් කළේ.
ඉන්ධන මිල ඉහළ යාමත් සහ තැපැල් දෙපාර්තමේන්තුවට ලැබී ඇති ඉන්ධන කෝටාව කළමනාකරණ කිරීමේ පියවරක් වශයෙන් මෙම තීරණය ගත් බවයි ඔහු වැඩිදුරටත් පැවසුවේ.
ඒ, අනුව මේ වන විට තැපැල් පරිපාලනය විසින් තීරණය කර ඇත්තේ දිවයින පුරා තැපැල් හුවමාරු කිරීම් දිනක් හැර දිනක් සිදු කිරීමටත් සෑම බදාදා දිනකම තැපැල් ප්රවාහනය නතර කිරීමටත් බවයි සම කැඳවුම්කරු චින්තක බණ්ඩාර සඳහන් කර සිටියේ.
මේ හේතුවෙ තැපැල් ප්රවාහනයේ යම් ප්රමාදයක් සිදුවිය හැකි බවයි ඔහු දැනුම් දුන්නේ.
එමෙන්ම දිවයින පුරා පිහිටි තැපැල් කාර්යාල සතියේ සෑම බදාදා සහ ඉරිදා දිනයන්වල දී වසා තැබෙන බවත් ඔහු මෙහිදී වැඩිදුරටත් පැවසුවා.
