මැදපෙරදිග කලාපයේ ඇතිව තිබෙන තත්ත්වය හමුවේ ගුවන් ගමන් ප්රමාද වීම සහ අවලංගු වීම මත, මෙරටින් පිටත් වීම සඳහා සූදානම්ව සිටින විදෙස් සංචාරකයින්ට මෙරට රැඳී සිටීම සඳහා අවශ්ය වීසා කාලය තවත් දීර්ඝ කිරීමට රජය තීරණය කර ඇති බව සංචාරක නියෝජ්ය අමාත්ය රුවන් රණසිංහ පවසනවා.
ඒ අනුව මීට පෙර සති දෙකකින් දීර්ඝ කළ එම අමතර වීසා කාලය තවත් සති දෙකකින් දීර්ඝ කරන බවයි නියෝජ්ය අමාත්යවරයා සඳහන් කළේ.
එමෙන්ම මෙරටට පැමිණීමට බලාපොරොත්තුවෙන් වෙනත් රටවල්වල රැඳී සිටින සංචාරකයින් සඳහාද මෙරරට අදාළ වීසා කාලය මසකින් දීර්ඝ කිරීමට කටයුතු කර ඇති බවයි අමාත්යවරයා පවසා සිටියේ.
එමනේම සංචාරකයින් ප්රවාහන සඳහා අවශ්ය ඉන්ධන නිකුත් කිරීම සඳහා ද රජය විසින් සුවිශේෂී වැඩපිළිවෙලක් ලෙස සංචාරක සංවර්ධන අධිකාරියේ ලියාපදිංචි සේවා සැපයුම්කරුවන්ට විශේෂිත QR ක්රමයක් ඔස්සේ ඉන්ධන නිකුත් කිරීම සඳහා අවශ්ය ලියාපදිංචිය සිදු කරන බවත් නියෝජ්ය අමාත්යවරයා පෙන්වා දුන්නා.
