රට තුළ මතුව ඇති බලශක්ති අර්බුදය හමුවේ ශ්රී ලංකාව විසින් ඇනවුම් කළ ඉන්ධන තොගයක් රැගත් තවත් නෞකාවක් කොළඹ වරයාට පැමිණ ඇති බව වරාය හා සිවිල් ගුවන්සේවා අමාත්යාංශය දැනුම් දෙනවා.
එම නෞකාව මඟින් පෙට්රල් මෙට්රික් ටොන් 17,000ක්, ඩීසල් මෙට්රික් ටොන් 18,000ක් සහ සුපිරි ඩීසල් මෙට්රික් ටොන් 2,800ක් ද රැගෙනවිත් තිබෙනවා.
නෞකාව මගින් රැගෙන ආ ඉන්ධනවලින් කොටසක් අද (17) පෙරවරුවේ කෙරවළපිටිය ඉන්ධන ගබඩාව වෙත ගොඩබෑමට කටයුතු කළ බවත්, අනෙක් කොටසක් අද (17) පස්වරුවේ කොළඹ වරාය වෙත පැමිණි කොළොන්නාව ගබඩාව වෙත සම්ප්රේෂණය කිරීම සිදුකර තිබෙනවා.
හොංකොං රාජ්යයට අයත් Seafrontier ඉන්ධන නෞකාව මෙලෙස පැමිණ ඇති බවයි එම අමාත්යාංශය පැවසුවේ.
