ඩ්රෝන යානා භාවිත කරමින් ජාතික ආරක්ෂාවට තර්ජනයක් වන ආකාරයේ කටයුතු සිදුකිරීමට, යම් ත්රස්ත ප්රහාරයක් එල්ල කිරීමට ඇති හැකියාව සැලකිල්ලට ගෙන එම තත්ත්වය වළක්වාලීමට අවශ්ය ඉදිරි පියවර ගැනීම පොලිසියේ අවධානය යොමුව තිබෙනවා.
පොලිසිය පවසන්නේ ජාතික ආරක්ෂාවට තර්ජනයක් වන ආකාරයෙන් ඩ්රෝන යානා ඇතැම් ආයතන මඟින් මෙරටට ආනයනය කිරීම සහ අමතර කොටස් වෙළඳාම සිදුකරන බවට තොරතුරු අනාවරණය වී ඇති බවයි.
ඒ, අනුව ඩ්රෝන යානා සහ අමතර කොටස් ආනයනය කරන ආයතන, මෙරට තුළ ඩ්රෝන යානා අලෙවි කරන ව්යාපාරික ස්ථාන අළුත්වැඩියා කරන ස්ථාන පවත්වාගෙන යන පුද්ගලයන් 2010 අංක 14 දරණ සිවිල් ගුවන් සේවා පනතේ ප්රතිපාදන වලට යටත්ව එම කටයුතු පවත්වා ගෙන යාමට කටයුතු කරන්නේ ද යන්න සම්බන්ධයෙන් අවධානය යොමු කරන ලෙසත්, ඒ සම්බන්ධ දත්ත පවත්වා ගෙන යාම සඳහාත් පොලිස්පතිවරයා විසින් සියළුම පොලිස් ස්ථාන දැනුවත් කර තිබෙනවා.
Good. How to register civil aviation as a Drone seller