සංවිධානාත්මක අපරාධකරුවෙකු මෙන්ම මත්ද්රව්ය ජාවාරම්කරුවෙක් වන ජනිත් මධුසංඛ හෙවත් ‘පොඩි ලැසී’ ලබන 17 වනදා රක්ෂිත බන්ධනාගාර ගත කර තිබෙනවා.
ඒ, ඔහුව අද (05) දින බද්දේගම මහේස්ත්රාත් අධිකරණය හමුවට ඉදිරිපත් කිරීමෙන් අනතුරුව මෙම නියෝගය නිකුත් කරනු ලැබුවා.
මේ අතර පොඩි ලැසී, මත්ද්රව්ය ජාවාරමෙන් උපයාගන්නා ලද මුදලින් ඔහුගේ දියණියගේ නමින් මිලදී ගෙන ඇති බවට සැලකෙන දේපලක් සම්බන්ධයෙන් නීති විරෝධී වත්කම් විමර්ශන කොට්ඨාසය වෙත ලද පැමිණිල්ලක් මත විමර්ශන ආරම්භ කර තිබෙනවා.
ඒ, අනුව සිදුකරන ලද විමර්ශනයේදී මෙම සංවිධානාත්මක අපරාධකරු විසින් මත්ද්රව්ය ජාවාරමෙන් උපයාගන්නා ලද මුදලින් මිලදී ගෙන ඇතැයි සැලකෙන පන්නිපිටිය ප්රදේශයේ පිහිටි දෙමහල් නිවසක් සහිත රුපියල් කෝටි 03 ක් පමණ වටිනා ඉඩමක් මුදල් විශුද්ධිකරණය වැළැක්වීමේ පනත ප්රකාරව අද (05) දිනයේ සිට දින 07ක කාලයක් සඳහා ක්රියා විරහිත කිරීමේ නියෝග නිකුත් කර ඇති බවයි වාර්තා වුණේ.
නීති විරෝධි වත්කම් විමර්ශන කොට්ඨාසය විසින් වැඩිදුර විමර්ශන සිදුකරනු ලබනවා.
ඉන්දියානු ආරක්ෂක අංශ මඟින් අත්අඩංගුවට ගෙන තිබූ පොඩි ලැසී, ඉන්දියාවේ සිට මෙරට විශේෂ පොලිස් නිලධාරී කණ්ඩායමක් විසින් පසුගිය 27 වනදා දිවයිනට රැගෙන එනු ලැබුවා.
මෙසේ රැගෙන ආ පොඩි ලැසී වැඩිදුර විමර්ශන කටයුතු සදහා රැගෙන යනු ලැබුවේ ඇල්පිටිය කොට්ඨාශ අපරාධ විමර්ශන අංශය වෙතටයි.
