ජාතික ලොතරැයි මණ්ඩලයේ සභාපතිවරයා වශයෙන් කටයුතු කළ සමයේ එම ආයතනයට කුලී පදනම මත වාහන මිලදී ගැනීමේදී රජයට පාඩු කළේ යැයි චෝදනා කරමින් හිටපු නියෝජ්ය අමාත්ය සරණ ගුණවර්ධනට එරෙහිව අල්ලස් කොමිසම විසින් ගොනු කර ඇති නඩු හතරක තීන්දුව අප්රේල් මස 30 වැනිදා ප්රකාශයට පත් කරන බව කොළඹ මහාධිකරණය අද (03) නිවේදනය කළා.
මෙම නඩුව අද (03) කොළඹ මහාධිකරණ විනිසුරු මොහොමඩ් මිහාල් හමුවේ කැඳවනු ලැබුවා.
එහිදී නඩූවේ පාර්ශවකරුවන් විසින් වාචික දේශන ඉදිරිපත් කිරීම අවසන් වුණා.
ඉන් අනතුරුව මෙම නඩු හතරේ තීන්දුව අප්රේල් මස 30 වනදා ප්රකාශයට පත් කරන බව විනිසුරුවරයා ප්රකාශ කළා.
2006 වසරේ ජාතික ලොතරැයි මණ්ඩලයේ සභාපතිවරයා වශයෙන් කටයුතු කරමින් එම ආයතනයට කුලී පදනම මත වාහන ලබා ගැනීමේදී රජයට පාඩුවක් සිදු කළේ යැයි චෝදනා කරමින් අල්ලස් කොමිසම විසින් ඉකුත් යහ පාලන රජය සමයේ සරණ ගුණවර්ධනට එරෙහිව මෙම නඩු ගොනු කර තිබෙනවා.
