ඉන්දියාවේ කාශ්මීර් හි ශ්‍රීනගර් ප්‍රදේශයේ ෂියා මුස්ලිම්වරුන් ප්‍රමුඛ කරගත් දහස් සංඛ්‍යාත පිරිසක් විරෝධා ආරම්භ කර ඇති බව විදෙස් මාධ්‍ය වාර්තා කරනවා.
ඉරාන උත්තරීතර නායකයාගේ ඝාතනයට විරෝධය පළකරමින් මෙලෙස ඉන්දියානුවන් දහස් සංඛාවක් විරෝධතාවල නිරතවන බවයි තොරතුරු වාර්තා වන්නේ.
මේ අතර ඇමරිකා එක්සත් ජනපදය සහ ඊශ්‍රායලය විසින් එල්ල කරන ලද ප්‍රහාරවලින් මියගිය ෂියා අධ්‍යාත්මික නායකයාගේ ඝාතනය සම්බන්ධයෙන් මහ ඇමති ඕමාර් අබ්දුල්ලා කනස්සල්ල පළ කර තිබෙනවා.
කෙසේ වෙතත් ජම්මු කාශ්මීර ජනතාව සාමකාමීව සිටින ලෙස ද මහ ඇමතිවරයා ඉල්ලා සිටිනවා.
මේ අතර පාකිස්ථානයේ ද ඉරාන උත්තරීතර නායකගේ ඝාතනය විරෝධය පළකරමින් කරච්චි නුවර විරෝධතා ආරම්භ වී තිබෙනවා.
කරච්චි නුවර ඇමරිකානු කොන්සල් කාර්යාලය ඉදිරිපිට පැවැත්වෙන මෙම විරෝධතාවල දී පුද්ගලයින් 09 දෙනෙක් මේ දක්වා මියගොස් ඇති බවයි තොරතුරු වාර්තා වන්නේ.
