කොළඹ මහේස්ත්රාත් අධිකරණයක් තුළදී ගණේමුල්ල සංජීව නැමැත්තා ඝාතනය කිරීමේ සිද්ධියට ආධාර අනුබල දුන් බව කියන සිද්ධියක් සම්බන්ධයෙන් සැකපිට අත්අඩංගුවට ගෙන රැඳවුම් නියෝග මත රඳවා සිටින තමරා කුමාරි අබේරත්න නමැති නීතිඥවරිය ව්යාජ හැඳුනුම්පතක් භාවිතා කරමින් කඩවත ප්රදේශයේ බැංකුවක ගිණුම් 08 ක් පවත්වාගෙන ගොස් ඇති බව අපරාධ පරීක්ෂණ දෙපාර්තමේන්තුව ඊයේ (19) කොළඹ ප්රධාන මහේස්ත්රාත් අසංග එස් බෝදරගම මහතා වෙත දන්වනු ලැබුවා.
එම ගිණුම් හරහා විශාල වශයෙන් මුදල් හුවමාරුවීම් සිදුවී ඇතිි බවද විමර්ශන නිලධාරීන් අධිකරණය හමුවේ පවසා සිටියා.
විමර්ශන නිලධාරීහු අධිකරණය හමුවේ ඒ බව කියා සිද්ධිය සම්බන්ධ වැඩිදුර වාර්තාවක් අධිකරණයට ඉදිරිපත් කරමින්.
සැකකාර නීතිඥවරය තවදුරටත් රඳවා තබාගෙන ප්රශ්න කරමින් සිටිනන බවත් එසේ ප්රශ්න කරමින් අනාවරණය කර ගන්නා තොරතුරු ඉදිරියේදී අධිකරණයට වාර්තා කිරීමට පියවර ගන්නා බවද එම නිලධාරීන් පවසා සිටියා.
විමර්ශන නිලධාරීහු අධිකරණයට දැක්වූ කරුණු සලකා බැලූ මහෙස්ත්රාත්වරයා එම ගිණුම් සම්බන්ධයෙන් තවදුරටත් විමර්ශන සිදුකර ප්රගති වාර්තාවක් අධිකරණයට ඉදිරිපත් කරන ලෙසටද නියෝග කළා.
මේ අතර මෙම සිද්ධිය සම්බන්ධයෙන් රක්ෂිත බන්ධනාගාරගත කර සිටින සෙසු සැකකරුවන් තිදෙනා බන්ධනාගාර නිලධාරීන් විසින් ඊයේ අධිකරණයට ඉදිරිපත් කළ අතර ඔවුන් මාර්තු මස 5 දින දක්වා රක්ෂිත බන්ධනාගාරගත කරන ලෙසටද අධිකරණයෙන් නියම වුණා.
සිද්ධිය සම්බන්ධයෙන් රක්ෂිත බන්ධනාගාර ගත කර සිටින මහේෂ් ඔබේසේකර නමැති සැකකරු සන්තකයේ තිබී බෝම්බයක් අත්අඩංගුවට ගෙන ඇති බැවින් එය ආරක්ෂක අංශ ලවා නිෂ්ක්රීය කිරීමට අවසර ලබා දෙන ලෙසට කළ ඉල්ලීමටද අධිකරණයේ අවසරය හිමි වුණා.
නඩුවක් මාර්තු මස පස් වැනි දින නැවත කැඳවීමට නියමිතයි.
