රජය විසින් යෝජනා කර තිබෙන නව ජාතික විදුලි බල ප්රතිපත්තියේ යටතේ අඩු ආදායම්ලාභින් ලෙස රජය විසින් හඳුන්වනු ලබන පිරිස සීමාකර ඇති බව විදුලිය පාවිච්චිකරන්නන්ගේ සංගමය චෝදනා කරනවා.
එමෙන්ම මෙම නව ජාතික විදුලි බල ප්රතිපත්තිය යටතේ වීදි ලාම්පු සඳහා ද පාරිභෝගිකයාගෙන් අය කිරීමට යෝජනා කර ඇති බවත් ඒ අනුව පාරිභෝගිකයන්ගෙන් විදුලි බිල්පතේ අගයෙන් 2.2%කට නොවැඩි අගයක් අය කිරීමට යෝජනා කර ඇති බවයි විදුලිය පාවිච්චිකරන්නන්ගේ සංගමය පවසන්නේ.
තවද මෙම ප්රතිපත්තිය යටතේ නව විදුලි බද්දක් ද හඳුන්වා දී ඇති බවයි විදුලිය පාවිච්චිකරන්නන්ගේ සංගමය පෙන්වා දෙන්නේ.
”අපිට ලයිට් එපා, අපි හුළුඅතු පත්තු කරගෙන ගිය කට්ටිය, දැන් ඉන්න පරම්පරාවට ඒවා මතක නැතුව ඇති, අපි හුළුඅතු ටිකක් බැඳ ගන්නම්. ජාතික ආරක්ෂාවට ආණ්ඩුව වග කියන්න, අපි හුළුඅතු බැඳන් පාරේ යන්නම්.ලයිට් ගලවන් යන්න, අපි බිල් ගෙවන්න ලෑස්ති නැහැ.” යැයි එම සංගමයේ ජාතික ලේකම්, සංජිව ධම්මික අදහස් දක්වමින් සඳහන් කළා.
