රජයේ වෛද්ය නිලධාරීන්ගේ සංගමය සිය වෘත්තිය සමිති ක්රියාමාර්ග තව දුරටත් තීව්ර කිරීමට තීරණය කර තිබෙනවා.
කොළඹ දී අද (16) කැඳවා තිබූ ප්රවෘත්ති සාකච්ඡාවක දී රජයේ වෛද්ය නිලධාරීන්ගේ සංගමයේ ලේකම් වෛද්ය ප්රභාත් සුගතදාස මේ බව සඳහන් කළා.
ඒ, අනුව අනිද්දා (18) දිනයේ සිට සෞඛ්ය දත්ත වාර්තා කිරීමෙන් ඉවත්වීමට සෞඛ්ය වෛද්ය නිලධාරින්ගේ සංගමය තීරණය කර ඇති බවයි ලේකම්වරයා සඳහන් කළේ.
රජයේ වෛද්ය නිලධාරීන් මුහුණ දෙන ගැටලු කිහිපයකට රජයෙන් තවමත් සාධනීය විසඳුම් නොලැබීම හේතුවෙන් මෙලෙස වෘත්තිය සමිති ක්රියාමාර්ග තීව්ර කිරීමට තීරණය කර ඇත්තේ.
සෞඛ්ය වෛද්ය නිලධාරීන් විසින් මෙම කටයුත්තෙන් ඉවත්වීම තුළ දෛනිකව ලබාදෙන දත්ත වාර්තා, සතිපතා ලබාදෙන දත්ත වාර්තා, මාසිකව ලබාදෙන දත්ත වාර්තා සහ කාර්තු වශයෙන් ලබාදෙන දත්ත වාර්තා ඇණහිටීමක් සිදුවන බවයි වෛද්ය ප්රභාත් සුගතදාස වැඩිදුරටත් පැවසුවේ.
.
