2030 වසර වන විට අපනයන ආදායම ඩොලර් බිලියන 36ක ඉලක්කය කරා මෙහෙයවීම මීළඟ අභියෝගය බව කර්මාන්ත අමාත්යය සුනිල් හඳුන්හඳුන්නෙත්ති පවසනවා.
මෙම ඉලක්කය සපුරා ගැනීම සඳහා වාර්ෂිකව 10%ක වර්ධන වේගයක් පවත්වා ගත යුතු අතර, ඒ වෙනුවෙන් අපනයනකරුවන්ට පවතින පරිපාලනමය බාධා සහ තීරු බදු ගැටලු ඉවත් කිරීමට රජය උපරිමයෙන් මැදිහත් වන බවයි අමාත්යවරයා සඳහන් කළේ.
අපනයන සංවර්ධනය කොළඹට පමණක් කේන්ද්ර නොකර දිවයින පුරා ව්යාප්ත කිරීමේ වැඩපිළිවෙළක් ද ක්රියාත්මක වන අතර, එහිදී ප්රාදේශීය මට්ටමින් නිලධාරීන් පුහුණුකර නිෂ්පාදකයන් දිරිමත් කරනු ලබන බවයි අමාත්යවරයා සඳහන් කරන්නේ.
එමෙන්ම මෙම වසරේ දී පැවැත්වීමට නියමිත දැවැන්ත ප්රදර්ශනය හරහා ලාංකේය නිෂ්පාදනවල අභිමානය මුළු ලෝකයටම පෙන්වීමට අප සූදානම් බවත් අමාත්ය හඳුන්නෙත්ති පැවසුවා.
මේ අතර 2025 වර්ෂයේ දී ශ්රී ලංකා අපනයන ඉතිහාසයේ සුවිශේෂී සන්ධිස්ථානයක් බවට පත් කරමින්, ඇමරිකානු ඩොලර් බිලියන 14.2 ක වාර්තාගත ඉහළම ආදායම උපයා ගැනීමට අප සමත් වී ඇති බවයි ඔහු වැඩිදුරටත් සඳහන් කර සිටියේ.
ශ්රී ලංකා ජාතික අපනයන මණ්ඩලය සංවිධානය කළ 33 වන වාර්ෂික අපනයන සම්මාන උළෙලට ඊයේ (14) සහභාගී වෙමින් අමාත්යවරයා මේ බව සඳහන් කළා.
