උඩවලව පොලිස් වසමේ උඩවලව – තණමල්විල මාර්ගයේ මළබොටුආර ප්‍රදේශයේ දී ලොරි රථයක් මාර්ගය අයිනේ ගමන් කළ ළමයෙකුගේ ගැටී අනතුරක් සිදුව තිබෙනවා.
බැරියල් හන්දිය දෙස සිට තණමල්විල දෙසට ධාවනය වූ ලොරි රථයක මෙම ළමයා ඊයේ (08) දහවල් ගැටී ඇති බවයි පොලිසිය සඳහන් කළේ.
අනතුරින් බරපතළ තුවාල ලැබූ ළමයා උඩවලව රෝහලට ඇතුළත් කිරීමෙන් පසු මියගොස් තිබෙනවා.
මෙලෙස මියගිය ළමයා වයස අවුරුදු 13ක උඩවලව ප්‍රදේශයේ පදිංචිව සිටි අයෙක්.
ලොරි රථයේ රියැදුරු අත්අඩංගුවට ගෙන ඇති අතර, උඩවලව පොලිසිය වැඩිදුර විමර්ශන සිදුකරනු ලබනවා.
