අගුලාන සයුරු පුර මහල් නිවාස සංකීර්ණයේ දී අද (03) දින පොලිස් විශේෂ කාර්ය බලකායේ නිළධාරින් සහ නාවික හමුදාව, පොලිසිය ඒකාබද්ධව විශේෂ මෙහෙයුමක් ක්රියාත්මක කළා.
මීට දින කිහිපයකට ඉහතදී මෙම මහල් නිවාස සංකීර්ණයේ ඉහළ මහලේ තිබී ඝාතනය කර තිබූ කාන්තාවකගේ නිසල සිරුරක්ද හමුවුණා.
අද (03) අලුයම 05.00 ට පමණ ආරම්භ කළ මෙම මෙහෙයුම පැය හතරක පමණ කාලයක් ක්රියාත්මක වූ බවයි වාර්තා වුණේ.
ඒ අනුව මෙම මෙහෙයුමේදී, විදේශගතව සිටින ධර්මසිරි පෙරේරා නොහොත් ඇල්ටෝ ධර්මේ යන සංවිධානත්මක අපරාධකරුගේ ගෝලයෙක් ලෙස සැලකෙන පුද්ගලයෙක් සන්තකයේ තිබී කඩු දෙකක් ද සොයා ගැනීමට හැකිව තිබෙනවා.
එමෙන්ම සමස්ථ මෙහෙයුම හරහා මත්ද්රව්ය ජාවාරමට සම්බන්ධ සැකරුවන් සහ අවශ්යව සිටි වරෙන්තුකරුවන් ඇතුළු
පුද්ගලයන් 20 දෙනෙක් අත්අඩංගුවට ගත් බව අගුලාන පොලීසිය සඳහන් කළා.
අත්අඩංගුවට ගත් සැකකරුවන් මොරටුව මහේස්ත්රාත් අධිකරණයට ඉදිරිපත් කිරීමට නියමිතයි.
