WhatsApp ඇතුළු සමාජ මාධ්ය කිහිපයක හිමිකාරීත්වය දරන Meta ආයතනය හට ඉන්දීය අධිකරණයේ දී දෝෂාරෝපණයක් එල්ල වී තිබෙනවා.
ඉන්දීය අගවිනිසුරුවරයා ප්රමුඛ විනිසුරු මඩුල්ලක් ඉදිරියේ එරට ශ්රේෂ්ඨාධිකරණයේ දී WhatsApp සමාජ ජාලයේ හී රහස්යතා ප්රතිපත්තිය සම්බන්ධයෙන් වන පෙත්සමක් අද (03) විභාගයට ගැනුණා.
එහිදී රජය වෙනුවෙන් පෙනී සිටි සොලිසිටර් ජෙනරාල්වරයා විසින් වාණිජමය අරමුණු වෙනුවෙන් WhatsApp විසින් පරිශීලකයන්ගේ දත්ත හුවමාරු කිරීම සම්බන්ධයෙන් විවේචනයට කළා.
පසුව අගවිනිසුරුවරයා ඒ සම්බන්ධයෙන් අදහස් දක්වමින් කියා සිටියේ, WhatsApp සමාජ මාධ්ය ජාලයට එරට ආණ්ඩුක්රම ව්යවස්ථාව අනුගමනය කළ නොහැකි නම්, ඉන්දියාවෙන් ඉවත්ව යන ලෙසයි.
ඉන්දීය පුරවැසියන්ගේ පෞද්ගලිකත්වයට හානි කිරීමට ඉඩ නොදෙන බවත් අගවිනිසුරුවරයා දැඩිව සඳහන් කළා.
