බ්රිතාන්යය, බීජිං සමඟ ව්යාපාර කටයුතුවල යෙදීම භයානක බව එක්සත් ජනපද ජනාධිපති ඩොනල්ඩ් ට්රම්ප් පවසනවා.
අගමැති කියර් ස්ටාර්මර් සිකුරාදා චීනයේ කළ සංචාරයකදී දෙරට අතර සබඳතා නැවත ස්ථාපිත කිරීමේ ආර්ථික ප්රතිලාභ අගය කළා.
ට්රම්ප්ගේ අනපේක්ෂිත බවෙන් බටහිර නායකයින් කම්පනයට පත්ව ඇති මොහොතක ස්ටාර්මර් චීනයට යන නවතම පුද්ගලයා යි.
බ්රහස්පතින්දා ජනාධිපති ෂී ජින්පින් සමඟ පැය තුනක සාකච්ඡාවලදී, බ්රිතාන්ය නායකයා වැඩිදියුණු කළ වෙළඳපල ප්රවේශය, අඩු තීරුබදු සහ ආයෝජන ගනුදෙනු සමඟ “වඩාත් සංකීර්ණ සම්බන්ධතාවයක්” ඉල්ලා සිටි අතර පාපන්දු සහ ෂේක්ස්පියර් ගැන ද සාකච්ඡා කළා.
කෙසේ වෙතත්, වොෂින්ටනයේදී, සමීප සබඳතා පිළිබඳ ප්රශ්නවලට පිළිතුරු දෙමින් ට්රම්ප් පැවසුවේ, “හොඳයි, ඔවුන් එසේ කිරීම ඉතා භයානකයි” යනුවෙනි.
කෙනඩි මධ්යස්ථානයේ “මෙලනියා” චිත්රපටයේ මංගල දර්ශනයට පෙර ඔහු වාර්තාකරුවන්ට හමුවේ මේ බව පැවසු නමුත් ඔහු සිය ප්රකාශය වැඩදුර විස්තර කළේ නැහැ.
අප්රේල් මාසයේදී චීනයට යාමට සැලසුම් කරන ට්රම්ප්, අගමැති මාර්ක් කාර්නි මෑත සංචාරයකදී බීජිං සමඟ ආර්ථික ගිවිසුම් ඇති කර ගැනීමෙන් පසු කැනඩාවට තීරුබදු පනවන බවට පසුගිය සතියේ තර්ජනය කළා.
