පුත්තලම – කොළඹ ප්රධාන මාර්ගයේ මුන්දලම, නවදන්කුලම ප්රදේශයේ සිදු වූ රිය අනතුරකින් පුද්ගලයින් තිදෙනෙකු ජීවිතක්ෂයට පත්ව තිබෙනවා.
මෝටර් රථයක් සහ වෑන් රථයක් එකිනෙක ගැටීමෙන් අද (12) පෙරවරුවේ මෙම අනතුර සිදුව ඇති බවයි වාර්තා වුණේ.
අනතුරින් මෝටර් රථයේ ගමන් කළ කාන්තාවන් දෙදෙනෙකු සහ පිරිමි පුද්ගලයෙකු ජීවිතක්ෂයට පත්ව ඇති බවයි පොලිසිය පැවසුවේ.
මෝටර් රථයේ ගමන් ගත් තවත් පුද්ගලයෙකු, වෑන් රථයේ රියදුරු හා ගමන්ගත් දෙදෙනෙකු ඇතුළුව පුද්ගලයන් සිව්දෙනෙකු ප්රතිකාර සඳහා මුන්දලම රෝහලට ඇතුළත් කර වැඩිදුර ප්රතිකාර සඳහා පුත්තලම රෝහලට මාරු කර යවා තිබෙනවා.
