අයහපත් කාලගුණික තත්ත්වය නිසා පැන නැගුණු හදිසි ආපදා තත්ත්වය හේතුවෙන් හානියට පත් කෙටිකාලීන වගාවන් වෙනුවෙන් ගොවීන්ට සහන සැලසීම පිණිස අවශ්ය උපදෙස් අයවැය චක්රලේඛ අංක 08/2025 සහ 08/2025 (1) මඟින් මේ වන විට නිකුත් කර තිබෙනවා.
අපනයන කෘෂිකර්ම ක්ෂේත්රයේ ආර්ථිකමය වැදගත්කම සැලකිල්ලට ගෙන, ආපදාවෙන් හානි වූ දිගු කාලීන අපනයන කෘෂි බෝග නැවතවගා කිරීම සඳහා ද සහන සැලසීමේ අවශ්යතාව හඳුනා කැබිනට් මාධ්ය ප්රකාශක නලින්ද ජයතිස්ස සඳහන් කළේ.
ඒ අනුව, ආපදාවෙන් හානි වූ ගම්මිරිස්, කෝපි සහ කරඳමුංගු නැවත වගා කිරීම සඳහා හෙක්ටයාරයකට උපරිම වශයෙන් රුපියල් 425,000/- ක දීමනාවක් එම වගාවන්හි නිරත ගොවීන්ට ගෙවීම සඳහාත්, එම වගාවන්හි පාළු සිටු වීමට සහ නැවත වගාවට අවශ්ය පැළ, අපනයන කෘෂිකර්ම දෙපාර්තමේන්තුවේ වැඩසටහන් මඟින් නොමිලයේ ලබා දීම සඳහාත් මුදල්, ක්රම සම්පාදන සහ ආර්ථික සංවර්ධන අමාත්ය වශයෙන් ජනාධිපතිවරයා විසින් ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.
