‘දිට්වා’ සුළි කුණාටුවෙන් විපතට පත්ව සිටින ශ්රී ලාංකික ජනතාව සඳහා ආධාර තොගයක් රැගත් එක්සත් අරාබි එමීර් රාජ්යයේ තවත් ගුවන් යානයක් අද (09) පස්වරුවේ කටුනායක ගුවන් තොටුපොළ වෙත පැමිණියා.
මෙම ගුවන් යානය එක්සත් අරාබි එමීර් රාජ්යයේ ගුවන් හමුදාව සතු විශාලතම භාණ්ඩ ප්රවාහන ගුවන් යානයක් වන සී – 17 වර්ගයේ යානයක්.
අබුඩාබි නුවර සිට පැමිණි මෙම ගුවන් යානයේ මෙට්රික් ටොන් 27ක ආහාර ද්රව්ය මෙරටට ඒවා තිබුණා.
මෙම ආහාර තොගයේ 08 දෙනෙකුගෙන් යුත් පවුලකට දින 14ක් සදහා සෑහෙන ආහාර අඩංගු ඇසුරුම් 1,080ක් ඇතුළත්.
ආධාර තොගයක් රැගත් යානය පැමිණි අවස්ථාවට ශ්රී ලංකාවේ එක්සත් අරාබි එමීර් රාජ්යයේ නියෝජ්ය තානාපති රෂීඩ් අලි මසූරි ඇතුළු එම තානාපති කාර්යාලයේ නිලධාරීන් පිරිසක් ද, ශ්රී ලංකා විදේශ කටයුතු අමාත්යංශයේ සහ ආපදා කළමනාකරණ මධ්යස්ථානයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටියා.
මේ අතර ඉන්දියාවේ ද ආධාර තොගයක් රැගත් තවත් ගුවන් යානයක් අද (09) පස්වරු 01.55 ට කටුනායක ගුවන් තොටුපොළ වෙත පැමිණියා.
ඉන්දීය ගුවන් හමුදාව සතු සී – 17 වර්ගයේ විශාලතම භාණ්ඩ ප්රවාහන ගුවන් යානයක් මෙම ආධාර රැගෙන දිවයිනට පැමිණි අතර, මෙම ගුවන් යානයෙන් මෙට්රික් ටොන් 61 ක් බරැති, අඩි 110ක් දිග බේලි යකඩ පාලමක් සහ කිලෝ ග්රෑම් 600ක් බරැති ඖෂධ තොගයක් ද මෙරටට රැගෙන ආවා.
මෙම අවස්ථාවට ශ්රී ලංකාවේ ඉන්දීය මහකොමසාරිස් කාර්යාලයේ නිලධාරීන් පිරිසක් ද, ශ්රී ලංකා විදේශ කටයුතු අමාත්යංශයේ සහ ආපදා කළමනාකරණ මධ්යස්ථානයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටියා.
Pinsiddha wewaa