2025 වසරේ ශ්‍රි ලංකාවට විදේශීය සංචාරකයන්ගේ පැමිණීම අද (17) දිනයේ මිලියන 02 සීමාව ඉක්මවා ගියා.
අද (17) පස්වරු 01.30ට ලන්ඩන් නුවර සිට ශ්‍රි ලන්කන් ගුවන් යානයේ පැමිණි රෆායෙල් කැරොන් සහ ඔහුගේ බිරිද ක්ලෙයා චාලට් මෙම වසරේ මෙරට පැමිණි මිලියන 02 සංචාරකයා බවට පත් වුණා.
මොවුන් දෙදෙනා ප්‍රංශයේ පැරිස් නුවර පදිංචිකරුවන් වන අතර, ඔවුන් සති දෙකක කාලයක් මෙරට රැදී සිටිමින් සංචාරය කිරීමට නියමිතයි.
ඔවුන් පිළිගැනීම සදහා ශ්‍රී ලංකා සංචාරක ප්‍රවර්ධන කාර්යාංශයේ අධ්‍යක්ෂ පාලන සහ මානව සම්පත් අනූෂා දමයන්ති ඇතුළු එම කාර්යාංශයේ උසස් නිලධාරීන් පිරිසක් මෙන්ම සීමාසහිත ගුවන් තොටුපොළ සහ ගුවන් සේවා සමාගමේ උසස් නිලධාරීන් පිරිසක් ද ගුවන් තොටුපොළ වෙත පැමිණ සිටියා.
