ගොතටුව පොලිස් ස්ථානයට අනියුක්තව රාජකාරී කළ ආධුනික පොලිස් කොස්තාපල්වරයෙක් සිය ජංගම දුරකථනයෙන් වීඩියෝවක් නරඹමින් රාජකාරියේ යෙදීම සම්බන්ධයෙන්, ස්ථානාධිපතිවරයා කරුණු විමසා අවවාද කළ අවස්ථාවේ ඔහු ස්ථානාධිපතිවරයාට අසභ්ය වචනයෙන් බැන වැදී රාජකාරී පැහැරහැර පොලිස් ස්ථානයෙන් පිටව යාමේ පුවතක් වාර්තා වනවා.
අදාළ ආධුනික පොලිස් කොස්තාපල්වරයා පොලිස් ස්ථානයේ තනිකඩ භට නිවෙසට ගොස් පොලිස් නිල ඇඳුම් ගලවා දමා සාමාන්ය ඇඳුමෙන් සැරසී නිල ඇඳුම් සහ පොලිස් නිල හැදුනුම්පත ද රැගෙන මෙලෙස පළාගොස් තිබෙනවා.
මෙම කොස්තාපල්වරයා තඹුත්තේගම ප්රදේශයේ පොලිස් ස්ථානයක සිට මීට දින තුනකට පමණ පෙර ගොතටුව පොලිස් ස්ථානය වෙත මාරුවක් ලබා පැමිණ ඇති අයෙක් බවයි තොරතුරු වාර්තා වුණේ.
පෙරේදා (19) දිනයේ ගොතටුව පොලිස් ස්ථානයේ දුරකථන ක්රියාකරු ලෙස මෙම ආධුනික කොස්තාපල්වරයා රාජකාරියේ නිරතව සිට ඇති අතර, ඔහු ඒ අතරවාරයේ සිය ජංගම දුරකථනයෙන් වීඩියෝ නරඹමින් සිට තිබෙනවා.
මොහුගේ එම ක්රියාව රාජකාරියේ යෙදී සිටි අනෙකුත් නිලධාරීන්ට බාධාවක් වීම හේතුවෙන් මේ පිළිබඳව පොලිස් සැරයන්වරියක් ස්ථානාධිපතිවරයාව දැනුම්වත් කිරීමටයි කටයුතු කර ඇත්තේ.
ඒ, අනුව ස්ථානාධිපතිවරයා අදාළ කොස්තාපල්වරයා එහි කැඳවා අවවාද කිරීමට කටයුතු කර ඇති අතර, එම අවස්ථාව් කෝපයට පත් එම කොස්තාපල්වරයා ස්ථානාධිපතිවරයාට ද පරුෂ වචනයෙන් බැන රාජකාරිය ද පැහැර හරිමින් පොලිස් ස්ථානයෙන් පිටව ගොස් තිබෙනවා.
මේ අතර මෙම සිදුවීම සම්බන්ධයෙන් ගොතටුව සහකාර පොලිස් අධිකාරීවරයාගේ ප්රධානත්වයෙන් විමර්ශනයක් සිදුකරන බවයි පොලිසිය සඳහන් කළේ.
සිද්ධියට සම්බන්ධ ආධුනික පොලිස් කොස්තාපල්වරයාගේ සේවය අත්හිටුවීමටයි මේ වනවිට කටයුතු කර ඇත්තේ.
