පාස්කු ප්රහාරයේ මහ මොළකරු හඳුනාගෙන ඇති බවත්, එය පිටුපස ඉන්දියාව සිටින බවටත් මහජන ආරක්ෂක අමාත්යාංශයේ ලේකම් විශ්රාමික ජ්යෙෂ්ඨ නියෝජ්ය පොලිස්පති රවී සෙනවිරත්න විසින් පාර්ලිමේන්තු උසස් නිලතල කාරක සභාවට ප්රකාශ කළ බවට සාවද්ය පුවතක් මේ දිනවල සමාජ මාධ්ය ඔස්සේ සංසරණය වන බව පොලිසිය විසින් නිවේදනයක් නිකුත් කරමින් පවසනවා.
එම පුවත සම්බන්ධව කරුණු දක්වමින් විශ්රාමික ජ්යෙෂ්ඨ නියෝජ්ය පොලිස්පති රවී සෙනවිරත්න සඳහන්කර තිබෙන්නේ, ඊයේ (08) දින පාර්ලිමේන්තුවේ උසස් නිලතල කාරක සභාව විසින් කරන ලද කැඳවීමකට අනුව එම කාරක සභාව හමුවේ පෙනී සිට මතු වූ කාරණා සම්බන්ධයෙන් පිළිතුරු ලබා දුන් බවත්, එම අවස්ථාවේ පාස්කු ප්රහාරය පිටුපස ඉන්දියාව සිටින බවට කිසිදු අවස්ථාවක ප්රකාශ නොකළ බවයි.
තවද, ඉහත සංසරණය වන ප්රවෘත්තිය තරයේ ප්රතික්ෂේප කරන බවත්, එය සත්යයෙන් තොර පුවතක් බවත් වැඩිදුරටත් සඳහන්කර තිබෙනවා.
මෙම අසත්ය ප්රවෘත්තිය ප්රචාරය කිරීමට කටයුතු කරන ලද පුද්ගලයින් සම්බන්ධව විමර්ශනයක් පැවැත්වීමට පොලිස්පතිවරයාට උපදෙස් ලබා දුන් බවත්, මීට අදාළ නෛතික ක්රියා මාර්ග ගැනීමට ඒ නීතිඥවරුන් වෙත උපදෙස් ලබා දී ඇති බවද එම නිවේදනයේ සඳහන්.
Baduth,naduth dekama jepponage