නීති විරෝධී ලෙස මෙරටට ආනයනය කර කූඨ ලේඛන සකසා ලියාපදිංචි කරන ලද බවට සැකකෙරෙන රුපියල් කෝටි 06 කට අධික වටිනාකමකින් යුත් ජීප් රථ 03ක් ළඟතබා ගැනීම සම්බන්ධයෙන් අත්අඩංගුවට ගැනුණු ශ්රී ලංකා පොදුජන පෙරමුණේ දෙහිවල ගල්කිස්ස මහ නගර සභා නාගරික මන්ත්රි සහ හිටපු බස්නාහිර පළාත් සභා මන්ත්රී අමල් සිල්වා අද (29) දින අධිකරණය වෙත ඉදිරිපත් කිරීමට නියමිතව තිබෙනවා.
පොලිසිය සඳහන් කළේ සැකකාර මන්ත්රීවරයා පානදුර මහේස්ත්රාත් අධිකරණය වෙත ඉදිරිපත් කිරීමට නියමිත බවයි.
වලාන මධ්යම දූෂණ මර්දන ප්රහාරක ඒකකයේ නිලධාරින්ට ලැබුණ තොරතුරකට අනුව සිදුකළ වැටලීමකදී ඊයේ (28) මෙම සැකකරු අත්අඩංගුවට ගෙන ඇති බවයි වාර්තා වුණේ.
සිදුකළ මූලික විමර්ශනවලදී අනාවරණය වී ඇත්තේ රාජ්ය ආයතනවලට අයත් ගර්භිත කරන ලද වාහනවල ලියාපදිංචි අංක යටතේ කූඨ ලේඛන සකස් කරමින් මෙම වාහන තුන ලියාපදිංචිකර ඇති බවයි.
රුපියල් කෝටි 02ක් පමණ වටිනා මිට්සුබිෂි වර්ගයේ ජීප් රථයක් සහ රුපියල් කෝටි 04 ක් පමණ වටිනා ලෑන්ඩ් රෝවර් වර්ගයේ ජීප් රථ 02ක් සැකකරු සන්තකයේ තිබී මෙලෙස පොලිස් භාරයට ගෙන ඇති බවයි වාර්තා වුණේ.
