එක්සත් ජනපද ජනාධිපති ඩොනල්ඩ් ට්රම්ප් විසින් පනවා ඇති බොහෝ තීරුබදු නීති විරෝධී බව එරට අභියාචනාධිකරණයක් තීන්දු කර තිබෙනවා.
එය ඔහුගේ විදේශ ප්රතිපත්ති න්යාය පත්රය උඩු යටිකුරු කළ හැකි නීතිමය ගැටුමක් ඇති කරන බවයි විදෙස් මාධ්ය වාර්තා කරන්නේ.
මෙම තීන්දුව ට්රම්ප්ගේ “අන්යෝන්ය” තීරුබදුවලට බලපාන අතර, එය ලොව පුරා බොහෝ රටවල් මත පනවා ඇති අතර චීනය, මෙක්සිකෝව සහ කැනඩාව මත පනවා ඇති අනෙකුත් තීරුබදුවලට ද බලපානු ලබනවා.
අදාළ තීන්දුව ලබාදුන් අභියාචනාධිකරණය සඳහන් කළේ, මෙම තීන්දුව සම්බන්ධයෙන් අභියාචනා කිරීමට ට්රම්ප් පරිපාලනයට ඔක්තෝම්බර් 14 වනදා දක්වා අවස්ථාව පවතින බවයි.
මෙම තීරුබදු ඉවත් කළහොත්, එය රටට සම්පූර්ණ ව්යසනයක් වනු ඇති බවත්, එය ඇමරිකාව මූල්යමය වශයෙන් දුර්වල කරනු ඇති බවත් ට්රම්ප් පවසා තිබෙනවා.
වෙළඳ අසමතුලිතතාවයක් එක්සත් ජනපද ජාතික ආරක්ෂාවට හානිකර බව තර්ක කරමින් ට්රම්ප් වෙළඳාම පිළිබඳ ජාතික හදිසි අවස්ථාවක් ප්රකාශයට පත් කර ඇති අතර, තීරුබදු පැනවීම ජනාධිපතිවරයාගේ වරම තුළ නොමැති බවත්, බදු නියම කිරීම “ප්රධාන කොංග්රස් බලයක්” බවත් අධිකරණය තීන්දු කර ඇති බව සඳහන්.
