රුසියාව විසින් යුක්‍රේනයේ අගනගරය වන කියෙව් වෙතට අද (28) උදෑසන කාලයේදී එල්ල කරන ලද මිසයිල සහ ඩ්‍රෝන යානා ප්‍රහාර මාලාවෙන් මේ වන විට පුද්ගලයන් 15දෙනෙක් මිය ගොස් ඇති බව විදෙස් මාධ්‍ය වාර්තා කරනවා
ඒ අතර අවුරුදු දෙකක කුඩා ළමයෙක් ඇතුළු ළමුන් හතරක් සිටින බවයි වාර්තා වන්නේ.
රුසියාව සහ යුක්‍රේනයේ අතර සාම සකච්ඡා සඳහා අවශ්‍ය පසුබිම සැකසෙමින් පවතින වාතාවරණයක් තුළ රුසියාව විසින් එල්ල කරන ලද මෙම ප්‍රහාර මාලාව යුරෝපා සංගමයේ දැඩි විවේචනයට ලක්ව ඇති බව විදෙස් මාධ්‍ය වැඩිදුරටත් වාර්තා කරනු ලබනවා.
කියෙව් නගරයේ ජනාකීර්ණ ප්‍රදේශයක් වෙතට මෙසේ පහර දීම පිළිබදව ජනාධිපති වොලොඩිමියර් සෙලෙන්ස්කි පවසා තිබෙන්නේ ” රුසියාව තවමත් යුද්ධයේ ප්‍රතිවිපාක ගැන බියක් නොමැති බවයි “.
කෙසේ වෙතත් රුසියාව සමඟ යුද්ධය අවසන් කිරීම සාකච්ඡා කිරීම සඳහා යුක්රේන දූත පිරිසක් සිකුරාදා දිනයේ නිව්යෝර්ක්හිදී එක්සත් ජනපද නිලධාරීන් හමුවීමට නියමිතයි.
