රුපියල් ලක්ෂ 216 ක් පමණ වටිනා කේරල ගංජා තොගයක් අත්අඩංගුවට

යාපනය යුද්ධ හමුදා බුද්ධි අංශය හා නෙල්ලිඅඩි පොලිස් විශේෂ කාර්ය බලකාය එක්ව සිදුකළ ඒකාබද්ධ මෙහෙයුමකින් රුපියල් ලක්ෂ 216කට ආසන්න වටිනාකමකින් යුත් කේරල ගංජා තොගයක් අත්පත් කර ගන්නා ලදී.

යාපනය යුද්ධ හමුදා බුද්ධි අංශයට ලැබුණු තොරතුරුවලට අනුව, අද (31) අළුයම නෙල්ලිඅඩි පොලිස් විශේෂ කාර්ය බලකාය සමඟ සහයෝගීව මෙහෙයුමක් සිදුකරන ලදී. මෙම මෙහෙයුමේදී යාපනය මරදන්කේණි, වත්තිරායන් ප්‍රදේශයෙන් නීතිවිරෝධීව ශ්‍රී ලංකාවට ගෙනවිත් තිබූ කේරල ගංජා කිලෝග්‍රෑම් 108ක් (පාර්සල් 54ක්) අත්අඩංගුවට ගැනීමට හැකි විය. මෙම තොගයේ වටිනාකම රුපියල් ලක්ෂ 216ක් පමණ වේ.

මෙම සිද්ධිය පිළිබඳ වැඩිදුර පරීක්ෂණ මරදන්කේණි පොලිස් ස්ථානය විසින් සිදුකරනු ලබයි.