ඉන්දියාවේ නවදිල්ලි අගනුවරට ප්රබල භූ කම්පනයක් සිදු ව තිබෙනවා.
ඉන්දීය මාධ්ය වාර්තා කළේ අද (10) පෙරවරුවේ 09.04ට පමණ මෙම භූ කම්පනය සිදු ව ඇති බවත් එය විනාඩියක පමණ කාලයක් තිබූ බවයි.
රික්ටර් මාපකයේ 4.1ක භූමිකම්පාවක් හර්යානා හි රොහ්ටක් හි කේන්ද්රස්ථානය වූ බවත් ඉන්දීය මාධ්ය පවසනවා.
නමුත් මෙම භූ කම්පනය ගැන තවමත් වැඩි විස්තරයක් වාර්තා නොවන අතර, භූ කම්පන තත්ත්වය දිල්ලි ඇතුළු කලාපීය ජනතාවට දැනී ඇති බවත් වාර්තා වනවා.
මේ අතර දිල්ලියට ඇදහැලෙන ධාරාණිපාත වර්ෂාව හේතුවෙන් ගුවන් ගමන් නවතා දමා ඇති බවත් මාර්ග ජලයෙන් සම්පූර්ණයෙන් ම යට වී ඇති බවත් මාධ්ය වාර්තා කරනවා.
දිල්ලියේ තෙතමනය වැඩිම කොටසට මිලිමීටර් 60 ක වර්ෂාපතනයක් සහ වියළිම කොටසට මිලිමීටර් 1.4 ක වර්ෂාපතනයක් ලැබී ඇති බවයි පැවසෙන්නේ.
මෝසම් වැසි උතුරු දෙසට මාරුවීම හේතුවෙන් දිල්ලියේ ප්රදේශ කිහිපයක වර්ෂාව ඇති වූ බවත් එරට කාලගුණ දෙපාර්තමේන්තුව නිවේදනය කරනවා.
ඉන්දීය කාලගුණ විද්යා දෙපාර්තමේන්තුව (IMD) නිවේදනය කළේ හෙට (11) දින වනවිට වැසි තත්ත්වය ක්රමයෙන් අඩු විය හැකි බවයි.
නිදුක් වේවා!