අමෙරිකාව එල්ල කළ දැවැන්ත ප්‍රහාරවලට එරෙහිව ඉරානය පළිගැනීමේ ප්‍රති ප්‍රහාරය දිනකින් හෝ දෙකකින් සිදු විය හැකි බව නිවේදනය කර තිබෙනවා.
‘ද හින්දුස්තාන් ටයිම්ස්’ වෙබ් අඩවිය වාර්තා කළේ, ඉදිරි දිනය හෝ දෙක ඇතුළත මැදපෙරදිග අමෙරිකානු හමුදා ඉලක්ක කර ගනිමින් ඉරානය පළිගැනීමේ ප්‍රහාර එල්ල කළ හැකි බව ඇමරිකානු නිලධාරීන් දෙදෙනෙකු උපුටා දක්වමින් රොයිටර් පුවත් සේවය වාර්තා කළ බවයි.
ජනාධිපති ඩොනල්ඩ් ට්‍රම්ප්ගේ නායකත්වයෙන් යුත් එක්සත් ජනපද පරිපාලනය, ෆෝර්ඩෝ, නටාන්ස් සහ එස්ෆහාන් යන ඉරාන න්‍යෂ්ටික මධ්‍යස්ථාන තුනකට එල්ල කළ පරිපාලනයට එරෙහිව මෙම ප්‍රහාරය සූදානම් වෙමින් තිබෙනවා.
එක්සත් ජනපදය න්‍යෂ්ටික ස්ථානවලට බෝම්බ හෙලීමෙන් පසු ඉරානය තර්ජනය කර ඇති අතර, ඩොනල්ඩ් ට්‍රම්ප් කියා සිටියේ ඉලක්ක කරගත් ඉරාන න්‍යෂ්ටික පොහොසත් කිරීමේ පහසුකම් ” සම්පූර්ණයෙන්ම විනාශ කළ” බවයි.
මේ අතර දැඩි ආන්දෝලනයක් මතු කර ඇති ඉන්ධන නෞකා ප්‍රවාහන මර්මස්ථානයක් වන හෝමූස් සමුද්‍ර සන්ධියෙන් ඇතැම් ඉන්ධන නෞකා ආපසු හැරී ගොස් තිබෙන බවටත් වාර්තා වනවා.
