මාලදිවයින් ජනාධිපති කාර්යාලයේ නිලධාරීහු අද (23) දින අධ්යයන චාරිකාවක් සඳහා ජනාධිපති ලේකම් කාර්යාලයට පැමිණියා.
ඔවුන් ජුනි 27 වනදා දක්වා ශ්රී ලංකාවේ රැඳී සිටීමට අපේක්ෂා කරන බවයි ජනාධිපති මාධ්ය අංශය නිකුත් කළ නිවේදනයේ දැක්වෙන්නේ.
මෙම අධ්යයන චාරිකාවේ දි මූලික අවධානය යොමු වන ක්ෂේත්ර අතරට ලේඛනාගාර සහ වාර්තා නඩත්තු කිරීම හා සංරක්ෂණය, ගබඩා කළමනාකරණය, ඉන්වෙන්ටරි පාලනය සහ තොග සංරක්ෂණය ඇතුළත්.
චාරිකාව අතරතුර ඔවුන් ජාතික ලේඛනාගාර දෙපාර්තමේන්තුව, ශ්රී ලංකා රේගුව, තිඹිරිගස්යාය ප්රාදේශීය ලේකම් කාර්යාලය සහ ශ්රී ලංකා පාර්ලිමේන්තුව නැරඹීමට නියමිතයි.
මෙම අධ්යයන චාරිකාව සඳහා මාලදිවයින් ජනාධිපති කාර්යාලයේ නිලධාරින් අට දෙනෙක් එක්ව සිටින අතර ඔවුන් ජනාධිපති කාර්යාලයේ දී ජනාධිපති ජ්යෙෂ්ඨ අතිරේක ලේකම් රෝෂන් ගමගේ මහතා හමු වී අදහස් හුවමාරුවක නිරත වුණා.
ජනාධිපති ලේකම් කාර්යාලයේ නිලධාරීන් පිරිසක් ද මෙම අවස්ථාවට එක්ව සිටියා.
