කැනඩාවේ පැවති G7 සමුළුවෙන් කලින් පිටව ගිය ට්රම්ප්, ඉරාන වැසියන්ට වහාම ටෙහෙරානයෙන් ඉවත් වන ලෙස අනතුරු අඟවා ඇති බව විදෙස් මාධ්ය වාර්තා කරනවා.
ඊශ්රායල හා ඉරානය අතර සටන් විරාමයක් ඇති කරලීම සඳහා කටයුතු කිරීම පිණිස තමන් G7 සමුළුවෙන් වේලාසනින් ම පිටත්ව ගිය බවට වන ප්රකාශය අමෙරිකානු ජනාධිපති ඩොනල්ඩ් ට්රම්ප් තරයේ ප්රතික්ෂේප කර තිබෙනවා.
‘ද ගාර්ඩියන්’ පුවත් සේවය සිදු කර ඇති පුවත් වාර්තාකරණයේ දැක්වෙන්නේ, ට්රම්ප් එම ප්රකාශය පතුරුවන ලද ප්රංශ ජනාධිපති එමානුවෙල් මැක්රෝන් ප්රචාරණ සහ අවධානය සොයන අයෙකු ලෙස උපහාසයට නතු කර ඇති බවයි.
ප්රංශ ජනාධිපතිවරයා කිසිසේත්ම තමන් යළිත් වොෂින්ටනයට පැමිණෙන කාරණය නොදන්නා බව ද ට්රම්ප් සඳහන් කරනවා.
එලෙස පැමිණීමට හේතුව ඉරාන – ඊශ්රායල සටන් විරාමයකට වඩා විශාල සිදුවීමක් විය හැකි බව ද ට්රම්ප් අවධාරණය කර තිබෙනවා.
ඩොනල්ඩ් ට්රම්ප් තැබූ සම්පූර්ණ සටහන වන්නේ;
”ප්රංශයේ ජනාධිපති එමානුවෙල් මැක්රොන් වැරදියට පැවසුවේ, මම කැනඩාවේ G7 සමුළුවෙන් ඉවත් වී ඊශ්රායලය සහ ඉරානය අතර “සටන් විරාමයක්” සඳහා වැඩ කිරීමට ඩී.සී. වෙත ආපසු යාමට ගිය බවයි. වැරදියි! මම දැන් වොෂින්ටනයට යන්නේ මන්දැයි ඔහුට අදහසක් නෑ., නමුත් එය නිසැකවම සටන් විරාමයක් සමඟ කිසිදු සම්බන්ධයක් ද නැහැ. ඊට වඩා හේතුව බොහෝ විශාලයි. හිතාමතා හෝ නැතත්, එමානුවෙල් සැමවිටම එය වැරදියට තේරුම් ගනී. ” යනුවෙනි.
මූලාශ්රය – www.theguardian.com
