කාර්මික දෝෂයකට ලක්ව පසුගිය දා ඉන්දුනීසියාවේ මෙඩාන් ගුවන් තොටුපොළ වෙත හදිසියේ ගොඩ බැස්සූ ශ්රී ලන්කන් ගුවන් සේවයට අයත් ගුවන් යානය අද (08) උදෑසන කටුනායක ගුවන් තොටුපොළ වෙත පැමිණි තිබෙනවා.
එයාර් බස් A- 320 වර්ගයේ මෙම ගුවන් යානය මගීන් 93 දෙනෙකු සහ ගුවන් යානා කාර්යය මණ්ඩලය 08 දෙනෙකු ද සමඟ කටුනායක සිට සිංගප්පූරුව බලා පසුගිය 05 වනදා අලුයම 01.45ට පිටත්ව ගොස් තිබුණා.
එම ගුවන් ගමන අතරතුර ඉන්දුනීසියානු ගුවන් අවකාශය තුළ දී යානය හදිසි කාර්මික දෝෂයකට ලක්ව මෙඩාන් ගුවන් තොටුපොළ වෙත හදිසියේ ගොඩ බැස්සවීමක් සිදුකළා.
මෙම ගුවන් යානය එම ගුවන් තොටුපොළ තුළ අලුත්වැඩියා කර ගැනීමට පහසුකම් නොතිබීම හේතුවෙන් ඊට පසුදින (06) පස්වරුවේ ශ්රී ලන්කන් ගුවන් සේවයේ ඉංජිනේරුවන් පිරිසක් අවශ්ය අමතර කොටස් ද රැගෙන විශේෂ ගුවන් යානයකින් මෙඩාන් ගුවන් තොටුපොළ බලා පිටත්ව ගියා.
එම ඉංජිනේරුවන් පිරිස මෙම ගුවන් යානය අලුත්වැඩියා කිරීමෙන් පසු අද (06) උදෑසන 07.55 ට ශ්රී ලන්කන් ගුවන් සේවයේ යූ.එල්.- 303 දරණ ගුවන් යානය වශයෙන් , මෙඩාන් ගුවන් තොටුපොළේ සිට කටුනායක ගුවන් තොටුපොළ වෙත යළි පැමිණ තිබුණා.
