මාලිමාවේ අදිටන සාමූහිකයේ හිටපු හමුදා සෙබළාට පොල්ලකින් පහර දුන් සජබ අපේක්ෂකයා

මෙවර පළාත් පාලන මැතිවරණයේදී බේරුවල ප්‍රාදේශීය සභාවට මුංහේන කොට්ඨාසයෙන් ජාතික ජන බලවේගයට තරග කළ අපේක්ෂකයෙකුට මෙම හිටපු හමුදා සෙබලා සහයෝගය පලකර තිබෙනවා.
මෙම පහරදීම සිදුකර තිබෙන්නේ සමගි ජන බලවේගයෙන් මෙවර බේරුවල ප්‍රාදේශීය සභාවට තරග කළ සජබ අපේක්ෂකයෙක් බවයි වාර්තා වන්නේ.
මෙම පහරදීම සම්බන්ධයෙන් පයාගල පොලිසිය විසින් පරීක්ෂණ කටයුතු සිදුකරන අතර පහරකෑමට ලක්වූ පුද්ගලයා කළුතර ශික්ෂණ රෝහලේ ප්‍රතිකාර ලබනවා.
අදාල පහරදීම සිදුකළ සජබ අපේක්ෂකයා පයාගල පොලිසිය විසින් අත්අඩංගුවට ගෙන තිබෙනවා.
පහර කෑමට ලක්වූ පුද්ගලයා ප්‍රකාශ කරන්නේ සමගි ජන බලවේගයේ අපේක්ෂකයාගේ මව දේවාලයක් පවත්වාගෙන යන බවත් ඔහු එම දේවාලයට කුලී ගමනක් සඳහා ගිය කාන්තාවන් දෙදෙනෙකු ඇරලවීමට එම නිවසට ගිය බවත් ඉන්පසු එම දේවාලයේ පවත්වාගෙන යන කාන්තාවගේ පුත්‍රයා වන සජබ අපේක්ෂකයා එම අපේක්ෂකයා පරාජය වීමට හේතුව ඔහු බවත් එම නිසා වහාම වත්තෙන් පිටව යන ලෙස ඔහුට බැණ වැදී පොල්ලකින් පහරදී ඇති බවයි.
මෙම පහරදීමෙන් එම පුද්ගලයාගේ ඇසට සහ අතකට තුවාල සිදුව ඇති අතර,අත්අඩංගුවට ගත් සැකකරු කළුතර මහේස්ත්‍රාත් අධිකරණයට ඉදිරිපත් කිරීමට නියමිතයි.