රුපියල් කෝටි 21 ක් වටිනා රත්තරන් තොගයක්, වාහන අමතර කොටස් තුළ සඟවා ගෙන, කටුනායක ගුවන් තොටුපොළ ව්යාපාරිකයන් සඳහා වූ
“රක්ත මාවත” ( Red Channel ) ඔස්සේ පිට කරගෙන යමින් සිටි ගුවන් මගීන් දෙදෙනෙකු ඊයේ (15) අපරාධ පරීක්ෂණ දෙපාර්තමේන්තු නිලධාරීන් විසින් අත්අඩංගුවට ගනු ලැබුවා.
දසත ගුවන්තොටුපොළ වාර්තාකරු පැවසුවේ, සැකකරුවන් අතරින් එක් අයෙකු කොළඹ, ග්රෑන්ඩ්පාස් ප්රදේශයේ පදිංචි 26 හැවිරිදි තරුණයෙක් බවත්, අනෙක් පුද්ගලයා මහනුවර, රඹුක්වැල්ල ප්රදේශයේ පදිංච් 46 හැවිරිදි අයෙක් බවයි.
ඔවුන් ව්යාපාරිකයන්ගේ අවශ්යතා මත ගුවන් ගමන්වල නිරත වෙමින් විදේශ රටවලින් විවිධ භාණ්ඩ මෙරටට ගෙනැවිත්දීමේ ක්රියාවලියක නිරත වී සිටිනවා.
සැකකරුවන් දෙදෙනා ඊයේ පෙරවරු 08.30 ට ඩුබායි සිට එමිරේට්ස් ගුවන් සේවයේ ඊ.කේ.- 650 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
ඔවුන් විසින් ගෙන ආ ගමන් මළ්ලු තුළ තිබූ කිලෝග්රෑම් 06යි ග්රෑම් 700ක් බර මෙම රත්තරන් තොගය, වාහන බෙයාරිං පද්ධති දෙකක් තුළ රන් බිස්කට් 21ක් සහ වාහන සිසිලන පද්ධතියකට අදාළ ජල පොම්ප කැබැලි තුළ, ඒ හැඩයට උණු කර සකස් කර තිබූ රන් කුට්ටි කිහිපයක් ද සඟවා තිබියදී සොයාගැනුණා.
පසුව මේ පිළිබඳ වැඩිදුර විමර්ශන කටයුතු සඳහා අද (16) දින අලුයම කටුනායක ගුවන් තොටුපොළ රේගු නිලධාරීන් වෙත මෙම ගුවන් මගීන් දෙදෙනා සහ ඔවුන් නීතිවිරෝධී ලෙස රැගෙන ආ රත්තරන් තොගය භාර දී තිබෙනවා.
