පසුගියදා රිය අනතුරකින් ජීවිතක්ෂයට පත් වූ කැලණිය විශ්වවිද්යාලයේ දර්ශන අධ්යයන අංශයේ මනෝවිද්යා දෙපාර්තමේන්තුවේ ප්රධානී, ජ්යෙෂ්ඨ කථිකාචාර්ය ආචාර්ය එන්.ඩී.ජී. ගුනේන්ද්ර ගයන්ත මහතාගේ බිරිඳ ද අද (26) දිනයේ දී ජීවිතයෙන් සමුගෙන තිබෙනවා.
තොරතුරු වාර්තා වන පරිදි ඇය ද පසුගියදා සිදු වූ රිය අනතුරින් පසුව බරපතළ තුවාල ලබා අසාධ්ය තත්ත්වයෙන් යුතු ව කොළඹ ජාතික රෝහලේ දැඩි සත්කාර ඒකකයේ ප්රතිකාර ලබමින් සිටින පසුබිමකදියි මෙලෙස ජීවිතයෙන් සමුගෙන ඇත්තේ.
සතිෂා නිලන්ති නමැති මරණකාරිය ද විශ්වවිද්යාල කථිකාචාර්යයවරියක්.
පසුගිය දා ආචාර්යවරයා සිය කුඩා දරුවන් තිදෙනා සහ බිරිඳගේ පවුලේ උදවිය සමග යාපනය, නාගදීපයේ සංචාරයක ගොස් නැවත එමින් සිටිය දී අවාසනාවන්ත ලෙස රිය අනතුරකට ලක්ව තිබුණා.
ඒ මධ්යම අධිවේගී මාර්ගයේ දී යි.
මධ්යම අධිවේගී මාර්ගයේ දී ඔවුන් ගමන්ගත් වෑන් රථය ලොරි රථයක පිටුපස ගැටී සිදු වූ අනතුරකින් ආචාර්ය ගයන්ත මහතා ඒ මොහොතේම ජීවිතක්ෂයට පත් වුණා.
අනතුරින් තුවාල ලැබූ දරුවන් තිදෙනා, බිරිඳ, බිරිදගේ බාල සහෝදරයා හා බිරිඳගේ මව කොළඹ ජාතික රෝහලේ ප්රතිකාර ලබමින් සිටි අතර බිරිඳගේ මව හා දරුවන් තිදෙනා ම සුවය ලබා රෝහලින් පිටව ගොස් තිබුණා.
එම අනතුරෙන් බරපතළ තුවාල ලබා දැඩි සත්කාර ඒකකයේ අසාධ්ය තත්ත්වයෙන් ප්රතිකාර ලබමින් සිටි සතීෂා නිලන්ති මහත්මියගේ සහෝදරයා ද පසුගියදා ජීවිතක්ෂයට පත් වූ අතර ඔහුගේ අවසන් කටයුතු පෙරේදා (24) බොරැල්ල කනත්තේ දී සිදු කෙරුණු බවයි වාර්තා වන්නේ.
අද දිනයේ දී ජීවිතක්ෂයට පත් වූ සතීෂා නිලන්ති මහත්මිය මියයන විට 42 හැවිරිදි වියෙහි පසුවූ තුන් නිවුන් දරුවන්ගේ මවක්.
මෙම රිය අනතුරින් මේ වනවිට පුද්ගලයින් තිදෙනෙකුට ජීවිත අහිමි වුණා.
සතිෂා නිලන්ති මහත්මිය කොළඹ ගෝතමී බාලිකා ව්ද්යාලයේ ආදි ශිෂ්යාවක් වන අතර 1983 වර්ෂයේ උපත ලබා තිබෙනවා.
wpDiscuz
