ගන්දර පොලිස් වසමේ දෙවුන්දර ශ්රී විෂ්ණු දේවාලයේ දකුණු වාහල්කඩ ඉදිරිපිට දී පෙරේදා (21) රාත්රියේ වෙඩි තබා දිවිත්ව ඝාතනයක් සිදුකිරීම සම්බන්ධයෙන් මේ වන විට සිව්දෙනෙක් අත්අඩංගුවට ගෙන ඇති බව පොලිසිය පවසනවා.
අත්අඩංගුවට ගැනුණු සිව්දෙනා අතරේ කාන්තාවක් ද සිටින බවයි වාර්තා වුණේ.
23 සහ 46 යන වයස්වල පසුවන මෙම සැකකරුවන් තිදෙනා සහ සැකකාරිය ඊයේ (22) පොලිසිය මඟින් අත්අඩංගුවට ගනු ලැබුවා.
මෙම අපරාධයට ආධාර අනුබලදීමේ චෝදනාව මත අත්අඩංගුවට ගනු ලැබූවන් ගන්දර සහ දෙවුන්දර යන ප්රදේශවල පදිංචිකරුවන් වන අතර, ඔවුන් අද (23) දිනයේ මාතර මහේස්ත්රාත්වරයා වෙත ඉදිරිපත් කිරීමට නියමිතව තිබෙනවා.
එහිදී ඔවුන්ගෙන් රඳවාගෙන ප්රශ්න කිරීමට අධිකරණයෙන් අවසර ලබා ගැනීමට නියමිත බව ද පොලිසිය සඳහන් කළා.
කපුගම්පුර ප්රදේශයේ නිවසක පැවැති උපන්දින සාදයකට සහභාගි වී යතුරුපැදියකින් පැමිණෙමින් සිටි පසිඳු තාරක සහ යොමේෂ් නාදීශාන් නැමැති දෙවිනුවර ප්රදේශයේ පදිංචි තරුණයින් දෙදෙනෙක් වාං රථයකින් පැමිණි පිරිසක් විසින් වෙඩි තබා ඝාතනය කර තිබුණා.
පොලිසිය අනාවරණය කරගෙන ඇත්තේ ඩුබායි හී සැඟව සිටින ෂෙහාන් සත්සර හෙවත් ‘බාලේ මල්ලි’ නම් අපරාධකරු විසින් මෙම ඝාතන මෙහෙයවා ඇති බවයි.
