චීනයේ විදේශ මුදල් ජාවාරම් කිරීමේ උත්සාහයක් වළක්වා ගැනීමට නේපාල පොලිසිය සමත් ව තිබෙනවා.
නේපාලය හරහා අමෙරිකානු ඩොලර් සහ යුරෝ විශාල වශයෙන් චීනයට සංසරණය කෙරෙන මුදල් ජාවාරමක් නීතියට හසු කරගැනීමෙන් මෙය සිදු කර ඇති බවයි වාර්තා වන්නේ.
පසුව එලෙස ජාවාරම් කිරීමට යොදාගත් අමෙරිකානු හා යුරෝ මුදල් ප්‍රමාණයක් නේපාලය විසින් රාජ සන්තක කරනු ලැබුවා.
කත්මණ්ඩු අපරාධ විමර්ශන කාර්යාලය විසින් මෙම වැටලීම සිදු කරනු ලැබීමත් එය හිමාලයානු ඉතිහාසයේ දැවැන්තම මෙහෙයුමක් බවත් විදෙස් මාධ්‍ය වාර්තා කර තිබෙනවා.
චීනයට මායිම්ව ඇති රසුවා බලා යන භාණ්ඩ ප්‍රවාහන ට්‍රක් රථයකින් ආසන්න වශයෙන් රුමේනියානු රුපියල් මිලියන 250ක් වටිනා විදේශ මුදල් ද රාජසන්තක කර තිබෙනවා.
මුදල් මිටි අතර ඇමරිකානු ඩොලර් සියයේ වටිනාකමින් යුත් මුදල් නෝට්ටු 3,119 ක්, ඇමරිකානු ඩොලර් පනහක වටිනාකමින් යුත් මුදල් නෝට්ටු 179 ක්, යුරෝ පන්සියයේ වටිනාකමින් යුත් මුදල් නෝට්ටු 11 ක්, යුරෝ දෙසියයේ වටිනාකමින් යුත් මුදල් නෝට්ටු 480 ක්, යුරෝ සියයේ වටිනාකමින් යුත් මුදල් නෝට්ටු 4,148 ක් සහ යුරෝ පනහක වටිනාකමින් යුත් මුදල් නෝට්ටු 17,000 177 ක් අඩංගු වන බවත් පැවසෙනවා.
