පොලිස් අණ නොතකා ධාවනය කළ ටිපර් රථයක් පසුපස පොලිසිය හඹා ගොස් වැල්වැටිතුරෙයි ප්රදේශයේ දී වෙඩි තබා තිබෙනවා.
අද (02) පෙරවරුවේ පේදුරුතුඩුව පොලිස් ස්ථානයේ නිලධාරීන් විසින් මෙම වෙඩි තැබීම සිදුකර ඇති බවයි වාර්තා වුණේ.
වැලි ප්රවාහන කරන ටිපර් රථයකින් ගංජා ප්රවාහනය කරන බවට පේදුරුතුඩුව පොලිසියට ලැබුණු තොරතුරක් මත එය පරීක්ෂා කිරීමට අද (02) පෙරවරුවේ කැටේ හදිය ප්රදේශයේ දී පොලිස් මාර්ග බාධකයක් යොදවා තිබෙනවා.
එහිදී ටිපර් රථය නතර කරන ලෙසට පොලිසිය සිදුකළ අණ නොතකා රථය ධාවනය කර ඇති බවයි වාර්තා වන්නේ.
ඒ, අනුව අදාළ ටිපර් රථය පසුපස හඹාගිය පොලිසිය වැල්වැටිතුරෙයි ප්රදේශයේ දී ඊට වෙඩි තබා ඇති බවයි පොලිසිය පැවසුවේ.
එම අවස්ථාවේ එහි රියදුරු සහ සහායකයා රථය අතහැර පලාගොස් ඇති අතර, දමාගිය ටිපර් රථයේ තිබී ගංජා සොයා ගැනීමට හැකි වූ බවයි පොලිසිය වැඩිදුරටත් සඳහන් කළේ.
මේ අතර වෙඩි වැදුණු පුද්ගලයෙක් මන්දිගයි රෝහල වෙත ප්රතිකාර සදහා ඇතුළත් වී ඇති බවට ලැබුණු තොරතුරක් මත සිදුකළ විමර්ශනයේ දී ලොරි රථයේ සහායකයා මෙලෙස ප්රතිකාර සඳහා රෝහල් ගතව ඇති බවයි අනාවරණය වී ඇත්තේ.
සැකකාර රිය සහායකයා මේ වනවිට අත්අඩංගුවට ගෙන පොලිස් ආරක්ෂාව යටතේ ප්රතිකාරක ලබන බවයි වාර්තා වුණේ.
පලාගොස් සිටින ටිපර් රථයේ රථයේ රියදුරු සොයා විමර්ශන ක්රියාත්මකයි.
