රුපියල් එක් කෝටි විසි ලක්ෂයක් වටිනා කුෂ් මත්ද්රව්ය තොගයක්, මෙරටට රැගෙන පැමිණි විදේශීය ගුවන් මගී කාන්තාවක් අද (26) දින අලුයම, කටුනායක ගුවන් තොටුපොළ පැමිණීමේ පර්යන්තයේ දී රේගු මත්ද්රව්ය පාලන අංශයේ නිලධාරීන් පිරිසක් විසින් අත්අඩංගුවට ගනු ලැබුවා.
එම කාන්තාව 38 හැවිරිදි ඉන්දීය ජාතික කාන්තාවක් බවයි දසත ගුවන්තොටුපොළ වාර්තාකරු පැවසුවේ.
ඇය තායිලන්තයේ බැංකොක් නුවර සිට මෙම මත්ද්රව්ය තොගය රැගෙන හොංකොං නුවර වෙත ගොස් එතැන් සිට අද අලුයම 12.00ට කැතේ ෆැසිපික් ගුවන් සේවයේ සී.එක්ස්.- 611 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
ඇය විසින් රැගෙන විත් තිබූ ගමන් මළු තුළ රසකැවිළි අඩංගු පැකට් කිහිපයක් තුළ මෙම කුෂ් මත්ද්රව්ය කිලෝග්රෑම් 01 යි ග්රෑම් 200ක ප්රමාණය සඟවා ගෙන සිටියදී රේගු මත්ද්රව්ය පාලන අංශයේ නිලධාරීන් විසින් අත්අඩංගුවට ගත් බවයි වාර්තා වන්නේ.
මේ පිළිබඳ වැඩිදුර විමර්ශන කටයුතු සඳහා මෙම ගුවන් මගී කාන්තාව සහ ඇය විසින් රැගෙන ආ මත්ද්රව්ය තොගය කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාරදීමට පියවර ගෙන තිබෙනවා.
