දෙදින ප්‍රංශ සංචාරය නිම වූ ඉන්දීය අගමැති නරේන්ද්‍ර මෝදි ඊයේ (12) එක්සත් ජනපදයට පැමිණියා.
වොෂින්ටන් ඩීසී හි ජොයින්ට් බේස් ඇන්ඩෲස් වෙත ගොඩබට මෝදිගේ පළමු හමුව වූයේ එක්සත් ජනපදයේ ජාතික බුද්ධි අධ්‍යක්ෂ තුල්සි ගැබාර්ඩ් බවයි පැවසෙන්නේ.
එක්සත් ජනපදයේ සිටින අනවසර ඉන්දියානු සංක්‍රමණිතයින් දම්වැල්වලින් බැඳ සිරකරුවන් සේ ඉන්දියාවට පිටුවහල් කළ ඩොනල්ඩ් ට්‍රම්ප්ගේ නව සංක්‍රමණ ප්‍රතිපත්තියෙන් ඉන්දියාවට කරන ලද මදි පුංචිකම නොතකා, මෝදි එක්සත් ජනපදයට පැමිණෙන්නේ ප්‍රංශයෙන් ලද උණුසුම් පිළිගැනීමත්, ඉන්දීය ජාතික බුද්ධිමතුන් ගණනාවකගේ ප්‍රභාවෙන් පරිපාලනය වෙන රටකට පැමිණිමේ අභිමානය ද කැටුවයි.
ඉන්දියාව සහ එක්සත් ජනපදය අතර මේ වනවිට පවතින වෙළෙඳ සබඳතා එක්සත් ජනපදයට අවාසිසහගත බව ට්‍රම්ප් ප්‍රකාශ කර ඇති බවත්, එම අවාසිය සමහන් කිරීම සඳහා ඉන්දියාව එක්සත් ජනපදය සඳහා ආරක්ෂක ඇනවුම් ලබාදිය යුතුව ඇති බව ට්‍රම්ප්ගේ මතය වන බවත් විදේශ මාධ්‍ය වාර්තා කරනවා.
ට්‍රම්ප් හදිසියේම මෝදි එක්සත් ජනපදයට කැඳවූ‌යේ ඒ පිළිබඳ සාකච්ඡා කිරීම වෙනුවෙන් වුවත් ජනාධිපති ඩොනල්ඩ් ට්‍රම්ප්ගේ හමුවීම ගෝලීය උපායමාර්ගික හවුල්කාරිත්වයේ නව පරිච්ඡේදයක් ලෙසයි අගමැති මෝදි සඳහන් කර ඇත්තේ.
