කටුනායක බණ්ඩාරනායක ජාත්යන්තර ගුවන්තොටුපොළේ ගුවන් යානා, තෙල් සැපයුම් පර්යන්තයේ ධාරිතාව හා පහසුකම් තවත් වැඩි දියුණු කර විශාල විදෙස් විනිමයක් අඛණ්ඩ ව රටට ගෙන එන බව බලශක්ති අමාත්ය කුමාර ජයකොඩි මහතා පවසනවා.
බලශක්ති අමාත්යවරයා මේ බව සඳහන් කළේ අද (03) එම ගුවන් තොටුපොළ පර්යන්තයේ නිරීක්ෂණ චාරිකාවකට එක්වෙමින්.
ලාභ ලබන රාජ්ය ආයතන තවදුරටත් රජය යටතේ පවත්වාගෙන යාමේ රජයේ වැඩපිළිවෙළ හේතුවෙන් කටුනායක බණ්ඩාරනායක ජාත්යන්තර ගුවන් තොටුපළ පරිශ්රයේ පිහිටි ලංකා ඛනිජ තෙල් සංස්ථාවට අයත් ගුවන්යානා තෙල් සැපයුම් පර්යන්තය හරහා අතිවිශාල විදෙස් විනිමය ප්රමාණයක් රටට අඛණ්ඩව ගලා ඒම සහතික වන බවයි අමාත්යවරයා මෙහිදී වැඩිදුරටත් පැවසුවේ.
එලෙස ගුවන්යානා තෙල් බෙදාහැරීම හරහා රටට ලැබෙන විශාල විනිමය ප්රමාණය අහිමි කරමින් ඒ සඳහා තවත් විදේශ සමාගම් දෙකකට ද අවසර ලබාදීමට පෙර පැවති රජය සැලසුම් කළ ද; ඵෙතිහාසික ජනතා ජයග්රහණය විසින් එම සැලසුම් පරාජය කළ බව ද අමාත්යවරයා කියා සිටියා.
රටේ සම්පත් ආදායම් ලබන මාර්ග අන්සතු කරමින් පුද්ගලික ලාභ ලබන්නට තැත් කළ එම වැඩපිළිවෙළ පරාජය කරමින් බලයට පත් වූ ජාතික ජන බලවේගයේ රජය රටට ආදායම් උත්පාදනය කරන මෙම ව්යාපෘතිය වඩාත් සංවිධිතව අවශ්ය යටිතල පහසුකම් හා ක්රමවේද වැඩිදියුණු කර දිගින් දිගටම රටට විදේශ විනිමය ලැබීම සහතික කරනු ඇතැයි ප්රකාශ කළා.
